Inhaltsverzeichnis für November 2016 in Lééf

‘O, sonskyn! Die kosbaarste goud op aarde’ ROMAN PAZNE ‘Wees altyd bly’ 1 TESSALONISENSE 5:16 ‘ ’n Vrolike mens is ’n gesonde mens, ’n neerslagtige mens raak uitgeput’ SPREUKE 17:22 ‘…maar mag dié wat U liefhet, wees soos die son wat in sy volle krag skyn’ RIGTERS 5:31 ‘In die dankbare hart is dit voortdurend somer’ CELIA THAXTER Ons verlustig ons dié maand in die vele skakerings van oranje en God se kleurespel en nabyheid Dagboek 1-4 Die Delmas-Kersmark word weer by die Hervormde Kerksaal in Sarel Cilliersstraat gehou. Daar is mandjies vol pragprodukte vir elke smaak en begroting. Lorraine Swanepoel van kykNET se Koekedoor is gasvrou in die teetuin met heerlike bederfkos. Navrae: Ria 082 928 4317 of Jetske 072 746 8713. 5 Kom sit handjie by tydens die…

die oë is een van die sintuie wat ons die meeste gebruik en daarom is dit baie belangrik om na jou oë om te sien. Baie van ons is tydens die somer en vakansietyd gereeld in die buitelug en besef nie dat ons oë aan verskeie skadelike faktore blootgestel word nie. Die verswakking van visie is onomkeerbaar, maar gereelde oogtoetse kan help om vroeë tekens van oogprobleme te identifiseer en baie oogkwale kan met voortydige behandeling voorkom word. “Ons beveel gereelde oogtoetse aan om te kyk na die algehele gesondheid van jou oë, die gehalte van jou visie en of jy moontlik ’n bril nodig het ” sê Meriek van den Berg, ’n oogkundige van Mellins i-style. “As jy reeds ’n bril of kontaklense dra, is dit goed om seker…

DIE AKTRISE JILL LEVENBERG (39) HET AS TIENER BESEF TONEEL KAN LEWENSVERANDER , VERAL DIÉ VAN MENSE WAT DAAGLIKS VEG OM TE OORLEEF. DÍS DIE STORIES WAT SY GRAAG WIL VERTEL. Waar kom jou liefde vir toneelspeel vandaan? Ek het van kleins af besef ek wil ’n akteur wees; dit was net in my en het vir my natuurlik gekom. Toe ek as tiener in toneelstukke in die Baxter-teater gespeel het, het ek besef toneel kan ander mense se lewe verander en hulle help om te genees. Vertel ons so bietjie van die karakter wat jy in Suidooster vertolk, Mymoena Samsodien. Die Samsodiens is sentraal in die storielyn en ek speel A.B. (Cedwyn Joel) se vrou en my seun is Rhafiek (Irshaad Ally). Sy het ook…

Ons was almal al dapper: Dink aan die kere wat jy bang was vir iets, maar tog die moed bymekaargeskraap het om die uitdaging aan te pak. Of die tye wat jy oor ’n groot hekkie geklim het en dan die volgende dag stywebeen-trots was dat jy dié grote kon bemeester. Om moed te hê is een ding, om moed te hóú is egter iets heeltemal anders. Dis om aan te hou om die moeilike, maar regte ding te doen ten spyte van groot teen-stand. Dis om dag ná dag toegewyd jou dagtaak te doen, al is jy gedaan en glad nie lus daarvoor nie. Dis om goedheid en liefde te bly gee, al vergeet ander hul dankies. Moed hou vra om onverpoos oor ’n eindelose hoeveelheid balke te bly…

‘Sy is sonder lyne, met baie vorm en beweging, diepte en skaduwee’ Ilsebe Lategan sal gou vir jou sê sy is “net ’n ma”. Een wat gewoonlik dink aan admin, aandete, kos koop, drie meisiekinders by drie skole aflaai en optel en stukkende goed regmaak. “En dan aan koffie of vanaand se glasie wyn. Nie altyd in dieselfde volgorde nie ” Maar sedert Julie 2013 ry sy iedere Dinsdag uit Kampsbaai Durban-ville toe vir tee met haar ma en mosaïek. “Dan is dit net my hande. En my hart en my kop wat skoon word ” Vier jaar gelede het sy Heidi Ansley by ’n kampplek in die Kgalagadi ontmoet. “Ek het nog nooit ’n steek kuns gedoen nie, maar wat sy my vertel het van haar Pietmy-vrou-mosaïekstudio in Durbanville,…

‘My hart is vol van die Here en dis iets waaroor ek met trots en blydskap praat’ Wanneer Charlize Berg gesels oor die mense en dinge waarvoor sy lief is, is dit asof haar hele wese sing. Die groot groen oë dans op die maat van haar woorde en die blinkertjies op haar naels laat dartelende liggies skyn soos sy beduie. Haar nuwe album, As jy weet dis liefde, is in April bekendgestel en die liedjies As jy weet dis liefde en Braaf was vinnig treffers. Gesels mens met haar, besef jy sy lééf dié liefde waaroor sy sing. Van haar passie vir musiek tot haar deernis vir haar gesin en opgewondenheid oor haar kêrel van die afgelope agt jaar, Warren Linden. “Alles, ja alles, gaan oor die liefde,” borrel…

Moenie dat die ligging tussen kleinhoewes, meenthuiskomplekse en fabrieke jou in jou GPS laat twyfel nie. Aan die einde van die stofpad lê ’n ouwêreldse juweel en ’n geloofsverhaal van ’n sandkorrel wat in ’n pêrel getransformeer is. Die kliphuis wat soos ’n sprokieskasteel uittroon, vang eerste my oog toe ek met die laning afry. Net regs van ’n ruig laventelsirkel, in die skadu van perskebome pienk in die blom, staan Nice To Meat You. Die sinkstruktuur is nóg saal nóg skuur. Dis ’n prentjie van Pelgrimsrus in sy gloriedae toe goudkoors delwers gelok het met die hoop op faam en fortuin. Ek is eintlik hier om ’n venue vir my vrou se 40ste verjaardag te bespreek, maar my planne moet gou plek maak vir ’n les oor hoe die…

Jy kan jou stres verminder deur bewustelik in die hier en nou te leef My vriendin sê nou die dag dat sy momentum nodig het om te funksioneer. Sy beweeg in vierde rat en hou al die balle soos ’n ratse jongleur in die lug, maar die oomblik as haar liggaam halt roep en sy momentum verloor, tref sy die grond met ’n dawerende slag. Dan is dit moeilik om op te staan en die fabriek weer aan die gang te kry! Soveel mense kan met haar beskrywing identifiseer. Die lewe is stresvol en te besig om nog aan die stres self aandag te gee. Dus probeer ons dit onder die water indruk. Ongelukkig bons dit soos ’n hol plastiekbal weer terug na die oppervlak – elke keer selfs kwater…

Maandag Son van Geregtigheid Christus is die Lig van die wêreld. Sy Lig dring die donkerste plekke binne. Dit maak nie net lig nie, maar ontbloot ook ons diepste sonde. Christus is die Son van Geregtigheid. Geen onreg ontglip Sy oë nie. Dis ’n waarskuwing, sowel as ’n gerusstelling. Dank Hom daarvoor. Dinsdag Die son staan stil Partykeer is dit nodig om bevestiging te kry dat God se daarwees ’n verskil maak. Jy mag maar soos Moses smeek vir ’n oorwinning uit jou omstandighede. God is magtig. Hy kan en wil ook vir jou die son laat stilstaan, al lyk jou probleme onoorkomelik. Woensdag Maak my donkerte lig In Psalm 18:29 roep Dawid uit: “My God gee lig as dit donker is in my.” God neem ook die donkerte in…

Vir enige gelowige is ’n wildernis-seisoen onverklaarbaar en meestal bitter eensaam. Soms is dit maklik om terug te kyk en te sien hoe jy in dié woestyn beland het. Die pad kan gewoonlik beskryf word met woorde soos siekte, verlies, depressie. Maar dan is daar ook kere wat jy jou oënskynlik uit die bloute in ’n geestelike niemandsland bevind. Die een oomblik gaan dit nog so goed, jy groei geestelik, jou innerlike en uiterlike wêreld is agtermekaar, maar skielik verander alles in ’n strak, lewelose en ongenaakbare landskap. Dis net menslik om dié wildernis te wil vermy. Tog wil die Bybel ons leer dat die wildernis ’n onvermydelike en selfs noodsaaklike deel is van elke gelowige se pad met God. Jesus in die wildernis Die beste getuienis hiervan is Jesus…

...hoe sal jou dae lyk as jy die wyses se voorbeeld sou volg? Hoe lyk jou avonture, jou prettye en jou oomblikke van rus? Dit was die perfekte dag op die strand. Daar was nie ’n wolk in sig nie met ’n ligte briesie wat die hitte breek. ’n See sambrele het die prentjie mooi ingekleur, met die strelende klank van branders wat op die wit strand breek as die perfekte agtergrondmusiek. Ek en my man was met vakansie. Ja, ons was by die see, maar ook om ’n konferensie by te woon en nie net om te rus nie. Nietemin het ons die vry uurtjie tussen lesings aangegryp om strand toe te kom sodat ek tog net die see kan sien en hóór. Dit was nog vroegsomer, maar dit…

1 Nuut op die rak. Pesto Princess Sundried Tomato Pesto is vanaf R42,99 by supermarkte landwyd beskikbaar. Voeg ’n eetlepel of twee by ’n baksel kaasskons vir ekstra geur. 2 012Central is in die hartjie van Pretoria se middestad geleë en is onder meer een maal per maand die tuiste van die Market at the Sheds. Besoek www.012central.co.za vir meer inligting oor alles wat by dié opwindende stadsontwikkeling gebeur. 3 De Boschhoek Padstal op die R72 tussen Alexandria en Port Elizabeth verkoop onder meer meubels, soetgebak en vars groente en vrugte. 4 Krone Night Nectar Demi-Sec Rosé 2014 is vars en vrugtig en effe soet op die tong. R110. 5 Avondale Cyclus 2013 is ’n witwynversnit wat volgens biodinamiese beginsels verbou word. R268. 6 Steenberg Rosé 2016 kombineer subtiele geure…

In die begin het God die hemel en die aarde geskep…” Só leer ons God in Genesis 1:1-26 ken, as ’n Skepper met eindelose kreatiwiteit. En dan skape Hy die mens – na Sy beeld. God het dus kreatiwiteit in jou geplaas toe jy geskep is! Maar ons ervarings in ’n gebroke wêreld maak daardie kreatiewe stem stil. Met ’n visuele joernaal kan jy jou kreatiewe stem herontdek. Dis ’n plek om te speel en jou kreatiewe waagmoed te oefen met woorde, beelde, kleure en teksture – dit betrek feitlik al ons sintuie! Dit maak jou siel sigbaar en gee jou hart ’n kleurryke stem. Dit help jou om sin te maak van jouself, verhoudings en gebeure in jou lewe. Dis ’n plek waar jy jou trane kan stort in…

Teken in op Lééf – met hart & siel en kry 30% AFSLAG – dis slegs R37,65 per uitgawe (posgeld ingesluit). Plus, 30 lesers kan elk ’n KERS-GESKENKPAK ter waarde van R329,95 geborg deur CUM wen. Ervaar die ambiance van kerslig sonder die beslommernis van die druppende kerswas. Dié mooi, ongeparfumeerde kerse het ’n inspirerende boodskap rondom, en die LED-lig lyk nes die ware Jakob! Omskep jou huis in ’n vredevolle retreat, of jy kan net een of meer van die kerse laat brand. Teken só in: Stuur ’n e-pos na leef_inteken@media24.com Gaan na www.leef.co.za  en teken aanlyn in Bel 087 740 1022 (Ma-Vr, 08:00-17:00) SMS ‘SUBS LEEF’ na 32361 (R1 per SMS) ÓF TEKEN DIGITAAL IN op jou iPad, ander tablet of rekenaar! R412,80 per…

Ek ontdek onlangs my pa se briewe aan my ma kort voor hul troue in 1953. Sy stem klink helder op uit elke sin. In daardie stadium het hy gespook om op Vredenburg aan die Weskus ’n praktyk as die dorp se eerste tandarts gevestig te kry. Sy aanstaande, wat in Pretoria skoolhou, moes maar op eie houtjie troureëlings tref. Nooit een vir te veel sentiment nie, oorheers die gemeet en pas om kop bo water te hou baie van die voornemende bruidegom se briewe. Hy het praktykskuld en moet huis bou om vir sy bruid ’n dak oor haar kop te gee. ’n Eie motor sal moet wag. Hy het sommer self ’n stel kunstande vir ’n vooraanstaande boer gemaak wat die man gelukkig breed laat glimlag het. “En…

Toe ek 14 was, het my ma vir my ’n oranje jas gekoop, ’n mooi dubbelborsjas met blink saalsteke. Dieporanje, soos donker marmelade. Geurig soos nartjieskil. Wanneer ek die breë kraag se twee punte voor die spieël reggetrek en die blink knope vasgemaak het, het ek ’n aks regopper gestaan. In die veilige beskutting van my vlamoranje jas het die wye onontdekte wêreld van tienerwees skielik minder bedreigend en onseker gelyk. Onlangs lees ek oranje simboliseer opwinding en avontuur. Vuur, son, warmte, pret. Die energie van rooi gekombineer met die geluk van heldergeel gee oranje, ’n kleur vol goedvoelwarmte. Oranje word selfs beskou as sinoniem met gesondheid. Dit laat jou dink aan luilekker tropiese vakansies met oranjegeel papajas, blink mango’s en tropiese vrugtepons in lang glase by strandkioske. Die kelnerinne…

  VERBRUIKERSGIDS Cotton On 012 346 8745 Milk & Honey 012 346 3733 Rosella 012 346 7129 The Space 012 346 3984…

‘Ek werk die afgelope 47 jaar – sedert ek 12 was – met klei” vertel Kim Sacks (59), eienaar van ’n kunsgalery in Jan Smutslaan, Parkwood, en die Kim Sacks School of Ceramics in Yeoville. “Daar is vele ruimtes wat definieer wie ek is: my huis, die skool, die galery. Ek het op vele plekke gewoon en is ’n samestelling daarvan.” Soos die kibboets in Israel waar sy Hebreeus geleer en potte gemaak het, en Kopenhagen in Denemarke waar sy van 1978 tot 1981 aan die Deense Skool van Ontwerp studeer het. In 1986 het Kim na Suid-Afrika teruggekeer en haar eerste galery en kunsskool in Yeoville geopen omdat dit ’n veelrassige buurt was. “Ek was vasberade om keramiek plaaslik te bevorder” onthou sy. “Ek wou klasgee vir mense wat…

Ek het ’n brandende begeerte om mense toe te rus om geesdriftig en doelgerig te lewe. Ek skram weg van mense wat nie die lewe aangryp en vier nie. En dit het niks met ouderdom of omstandighede uit te waai nie. Stagnering en passiwiteit is soos stilstaande water: Dit raak troebel, ruik sleg en versmoor onder ’n laag skimmel. Daarteenoor bly water wat beweeg langer vars. Dit haal asem en vloei. Dit gee lewe! Wie kan bekostig om te stagneer? Net mooi niemand nie! Mens kan in alle fasette stagneer – in jou geloof, fiksheid, huwelik, verhoudings en lewensperspektief. Wanneer stagneer ons? Sodra ons ophou om in iets te belê hou dit op groei. ’n Geseënde huwelik val nie net in plek nie. Dit verg harde werk. Ek en Dave…

Ek kon dit nie langer uitstaan nie! Dit was maar die tweede dag van my man se week lange werkbesoek aan ’n ander stad, maar vir my het dit klaar gevoel ek hou nie kop bo water nie. Sy werk vereis dat hy gereeld reis, maar met ’n woelige tweejarige tweeling en ’n derde kleinding op pad het ek dié keer my maat se kalm teenwoordigheid en ondersteuning meer as ooit gemis. Ek het een aand oor my moedeloosheid gebieg teenoor ’n vriendin wat ons omstandighede goed ken. Sy het simpatiek na my geluister. Ek, aan die anderkant, wou amper dadelik my woorde sluk en het vinnig laat hoor: “Ek weet ek moet eintlik net stilbly, veral as ek dink aan die moeilike tyd waardeur Karin gaan.” Karin is ’n…

‘Niemand anders kan jý wees nie! Jy’s ’n yster, ou!’ Met die geboorte van ons jongste seuntjie het ’n liewe buurvrou ons middelkind nader getrek en vir hom vertel hoe spesiaal hy is. “ ’n Huis se dak rus op sy middelste pilaar. As hy inval, val die dak in. Jy is nou so ’n middelste pilaar vir jou boeties.” ’n Groot verantwoordelikheid vir ’n klein seuntjie, en effe onbillik, het ek gereken. Maar die middelman het sy skouertjies reguit getrek, sigbaar trots op sy nuwe rol. Hy het sy taak met oorgawe en soms met ’n tikkie oormoed aangepak. Een oggend in die wintervakansie was al die seuntjies in die huis aan’t speel. Ek het gaan loer of die vier maande oue kleinboet nog slaap, net om te sien…

Soms druk die lewe, soos ’n paar ongemaklike skoene aan die einde van ’n lang dag. Dis dan wanneer jy kan tuiskom by God; wanneer jy jou hart se skoene kan uitskop en jou gestroopte menswees met Hom kan deel. En dis in daardie veilige ruimte by Hom waar jy sal ervaar hoe Hy die donker in jou verdryf en aan jou nuwe hoop gee, skryf Milanie Vosloo in Hoop wat kaalvoet loop. Milanie is bedrywig as ervare sakevrou van haar eie reklame-agentskap, spreker en rubriekskrywer. Sy meen sy kan nie anders as om te skryf nie. “Ek is gedurig besig om gedagtes neer te pen.” Sy kan enige plek skryf: op die vliegtuig wanneer sy vir besigheid tussen Kaapstad en Johannesburg pendel, teen ’n boomstam iewers in ’n tuin,…

“En wat julle ook al doen, doen dit van harte soos vir die Here en nie vir mense nie” KOLOSSENSE 3:23 ‘Ek prys hard, ek spreek saggies aan’ KATHARINA DIE GROTE Klein skooltjie, groot hart In die vrugbare Koovallei naby Montagu lê die Laerskool Koo. Hierdie besonderse skool, wat in 2015 sy 80ste bestaansjaar gevier het, is die hartklop van die gemeenskap. Met sy leerlingtal van ongeveer 40 staan die skooltjie ook nie terug vir enige groot skool nie. Ek blaai deur Kollig, die skool se Koo-rantjie. Dis veel meer as ’n skoolkoerant of jaarblad. Dis ’n familiekoerant met skoolnuus. Wat opval, is die gelukkige kinderstemme wat uit die blaaie opklink. Anine Burger, ouer suster van twee van die Kooleerlinge, sê: “Ek was nooit self in die skool nie, maar…

‘Trek jou jeans en tekkies aan, gaan buitentoe en speel met jou kinders’ARCHIBALD HART ‘Let op die lelies van die veld…” (Matteus 6:28). Ons leef in ’n skerm-wêreld. Werk, kommunikasie en spel vind nou voor skerms plaas: rekenaar, tablet, slimfoon, TV, fliek. Kinders word klein-klein voor die TV neergesit, weet as kleuters al hoe om hul ouers se tablet te bewerk en kry op laerskool reeds hul eerste selfoon. Die klanke, kleure en bewegings op die skerms is vir die brein intens stimulerend en selfs verslawend. Ongelukkig raak ons so gewoond aan die opwinding van die hoë inset dat ons nie meer die gewone kan geniet nie – ons raak afgestomp en “anhedonies” (die onvermoë om te geniet). Om dinge steeds te geniet moet alles dus konstant méér word, vinniger,…