Weg! Ry & Sleep

By die onlangse Woonwaskou was ek opnuut verstom oor die gehalte, passie en innovering van die Suid-Afrikaanse kamp- en buitelewemark. Die skou het behoorlik uit sy nate gebars en dit was bemoedigend om die groei te sien wat betref uitstallers, vloerruimte én besoekers. Ons plaaslike vervaardigers staan regtig vir niemand ter wêreld terug nie, en as ’n mens luister hoe besig hulle is, is die mark aan die groei met ’n magdom nuwe kampeerders wat met ope arms verwelkom word. Leon moes omtrent bontstaan om oor die drie dae van die skou by alles en almal uit te kom, en sy volledige verslag oor die waens wat die oog getref het, begin op bl. 14. Terwyl ek tussen die uitstallings rondgestap en hulle blinknuwe produkte bewonder het, het my gedagtes…

Ek het die artikel en foto’s in die Desember 2025-Januarie 2026-uitgawe oor die geskiedenis van die bakkie baie geniet. Julle noem in die artikel die Toyopet Stout het in 1966 as die eerste moderne bakkie in Suid-Afrika aangeland. Ek het dié bakkie uit Japan die eerste keer in die jare vyftig op die Mariental-landbouskou in die destydse Suidwes-Afrika gesien. Dit was iets tussen die kleiner en groter bakkies, in ’n kleur wat ons “PWD-bruin” genoem het – dit het verwys na die publiekewerkedepartement wat alles en nog wat in ’n vaalbruin kleur geverf het. Regtig nie die mooiste wat jy kry nie. My oupa Jakobus Visser het ’n Ford Model T-bakkie – volgens die artikel die eerste bakkie wat in Suid-Afrika verkoop is – in Suidwes gekoop, en my oorlede pa,…

Die jaarlikse Woonwaskou is soos die bedryf se hipermark – alles onder een dak. Dit is immers een van die grootste binnenshuise buiteleweskoue in die Suidelike Halfrond. Kort duskant 40 woonwavervaardigers het hulle nuutste produkte ten toon gestel en skougangers is bederf met ’n propvol skinkbord. Dit was die grootste skou nóg van sy aard, sê Hampie de Kock, die skoudirekteur. Verlede jaar se 25 000 m² onderdakuitstalruimte is vergroot tot 30 000 m², en ’n allemintige 25 000 besoekers het oor die drie dae by die skou kom inloer. Dit was ’n suksesvolle skou, en sommige vervaardigers het reeds gevra vir nóg groter uitstalruimte volgende jaar. Dis nie net al die nuwe produkte wat vanjaar se skou laat uitstaan nie, maar ook die nuwe denkrigtings van verskeie vervaardigers. Conqueror…

Dit is die Chinese handelsnaam se heel eerste toetrede tot een van die mededingendste internasionale voertuigsegmente. Die nuwe model, wat tans bekend staan as die KP31 (hy mag dalk in Suid-Afrika ’n ander naam kry), sal na verwagting laat in 2026 of vroeg in 2027 op eie bodem opdaag en sal aanvanklik aangedryf word deur ’n dieselinprop- hibriede (PHEV) aandrywingstelsel. Wat het ons hier? Diesel-hibriede voertuie is ietwat ongewoon en Chery sê hy kombineer ’n 2,5 ℓ-turbodieselenjin met elektriese aandrywingstegnologie vir maksimumwringkrag. Die bakkie sal op Chery se nuwe Kaitanleerraamonderstel vasgebout word. Dit is ’n onderstel wat spesiaal ontwerp is om binnebrandenjins, elektriese motors of ’n hibriede kombinasie van die twee, soos hier, te huisves. Chery noem ook dat die KP31 se onderstel fokus op strukturele sterkte, duursaamheid en veelsydigheid.…

Hierdie nuwe handelsmerk is die resultaat van samewerking tussen Chery en SmartMi Tech. iCaur is twee jaar gelede in China gestig waar hy bekend staan as iCar – die ietwat vreemde spelling van die naam iCaur is as gevolg van kopiereg buite China. Die model op hierdie blad word die iCaur V23 genoem en hy is die maatskappy se tweede ryding sedert die iCaur 03, wat hoofsaaklik in Indonesië en Thailand verkoop word. Wat het ons hier? Die V23 stel glo ’n nuwe benadering tot elektriese sportnutse bekend. iCaur sê die vierkantige bakwerk met moderne elektriese onderdele is ’n samestelling van nostalgiese ontwerp en kontemporêre tegnologie binne ’n pakket wat gemik is op kopers wat soek na iets buitengewoons. Twee afwerkingsvlakke sal by die bekendstelling in Mei vanjaar beskikbaar wees:…

“Ons het vroeër jare gesien hoe die water in die koue maande hier kniediep kabbel.” Die Doring- en Olifantsrivier is albei byna 300 km lank, en hoewel eersgenoemde meestal droog staan – daar’s wel altyd water in sy bo- en onderloop – bruis sy waters in die Kaapse winter in sy volle lengte af. Trouens, die Doringrivier loop dan só sterk dat talle avontuurmaatskappye tussen Julie en Oktober witwaterbootritte aanbied. Op hierdie rit volg ons die Doringrivier van sy beskeie boloop in die Warm-Bokkeveld af, ry deur die Tankwa-Karoo waar sy water minder raak, gevolg deur die Sederberg (waar die rivier byna dolleeg is), die Biedouwvallei en uiteindelik in die Olifantsriviervallei by die gelyknamige en voorbeeldige rivier wat áltyd water het. Soms is dit nie ooglopend waar ’n rivier se…