Inhoudsopgave van Winter 2024 - Idees

KONTAK MY BY terena@ideasfactory.co.za ✽ instagram.com/terenaleroux Die mistige Kaapse strate was vanoggend soos 'n sprokieswêreld, met die lug wasig-wit en die boomtakke wat al hoe ligter word boontoe. Geen teken van die see nie. Net die mishoring om mens te herinner daar is rotse en water naby. Regte sopweer dus. En kerrie-weer! Hoe kies mens jou kos vir die winter as daar net een uitgawe is om ons warm te hou in die koue? Wie sê ons móét kies as ons albei kan hê? So hier is ons nou met albei en boonop kaaskoek ook vir 'n soetigheidjie. En net so het dit gegaan met die beplanning vir ons naaldwerkseksie. Is dit die gebreide trui of die hekeltrui? Borduur ons 'n kombers of 'n hemp? Maak ons 'n rok of…

✽ My ma het my al baie vertel hoe arm hulle grootgeword het, maar dat daar altyd 'n oorvloed van liefde en kos in hulle huis was. Dit is presies hoe ek my ouma Bessie onthou … haar hart en haar huis was altyd oop vir almal en haar koekblikke vol van die lekkerste koekies en beskuit. Die hertzoggies was my gunsteling. ✽ My ouma en oupa het gewoon op Lambertsbaai, 'n klein vissersdorpie aan die Weskus. Ek onthou hoe ons vakansietye vroeg wakker geword het soos Ouma die skuifraamvensters, wat met toue gewerk het, opgestoot het vir die seelug om in te kom. Daarna het sy en my oupa huisgodsdiens gehou en jy kon in die oggendstilte hoor hoe daar vir elke kind en kleinkind gebid word. ✽ Ouma…

BOTTERSKORSIESOP MET HARISSASMEER Hierdie gladde, romerige sop word ekstra lekker gemaak met'n skeppie harissasmeer. Potjies van dié rooirissiesmeer uit Noord-Afrika is gewoonlik by die speserye in jou plaaslike supermark te koop. Genoeg vir: 4 Bereidingstyd: 20 minute Gaarmaaktyd: 40 minute ♥ 100 g botter ♥ 2 uie, gekap ♥ 45 ml harissasmeer ♥ 750 g botterskorsie, geskil en in blokkies gesny ♥ 250 g patat, geskil en in blokkies gesny ♥ 1 Granny Smith-appel, geskil, klokhuis verwyder en in blokkies gesny ♥ 1,25 liter hoender- of groenteaftreksel ♥ 50 ml fyngekapte vars koljanderblare ♥ 'n stewige skeut lemmetjie- of suurlemoensap ♥ droë rissievlokkies, om voor te sit (opsioneel) 1 Verhit die botter in 'n groot kastrol. Voeg die ui by en soteer dit oor lae hitte vir omtrent 10 minute tot dit sag…

naaldwerk Maak iets moois vir jouself, versier 'n sofa of kikker enige vaal hoekie in die huis op om die grys van die winter te verdryf. Dié besonderse projek sal jou laat besef maakgoed is die beste medisyne vir die siel. MOEILIKHEIDSGRAAD: gemiddeld (hang van jou borduurkennis af) TYD: 4 dae LET WEL Die steekdiagram is by die patroon op bladsy 92 en moet gebruik word as gids vir jou borduurwerk. YouTube het baie praktiese lesse wat jou kan help met die verskillende steke wat gebruik is om die ruiker te borduur. JY BENODIG ♥ kombers (nie te dik nie sodat die borduurwerk makliker is) ♥ borduurpatroon op bladsy 92 ♥ breidraad en borduurgare in die kleure van jou keuse (gebruik gerus oorskietbreidraad!) ♥ gare in 'n helder teenstellende kleur…

naaldwerk & dekor patrone WENK: Gebruik sigsagsteek om te keer dat die rand rafel. BLOMKOMBERS PATROON EN STEEKGIDS LINNEROK 1 blokkie = 1 × 1 cm Kleremakersgrafiekpapier kan bestel word by marweya@ideasfactory.co.za.…

jou lewe Jy kry Jessie nie sommer om stil te sit vir 'n geselsie nie. Veral nie as sy op haar stukke is by die Cape Town Yarn Festival nie. As sy nie omring is deur bewonde raars van haar werk nie, bied sy 'n werksessie aan. Of is haastig op pad. 'n Gebrek aan energie is klaarblyklik nie 'n probleem vir die Projectarian nie. Maar wie is sy as sy by haar huis op Marina Beach aan die Natalse Suidkus is? 'Ek is 'n hekel-ontwerper van beroep en raak heeltemal obsessief oor alles wat ek aanpak. Ek werk dagin en daguit aan my besigheid en as ek 'n slag af vat, is dit sommer vir 'n maand om aandag aan my nuutste obsessie te gee – soos om myself…

Die professionele sjef Paula Nel is hopeloos te diskreet om uit te lap wie haar bekende kliënte is, maar onder hulle tel van die wêreld se voorste media-, musiek- en rolprentmense. Paula bring tot drie maande op 'n slag op haar grootste kliënt se luukse seiljag deur terwyl hulle tussen hawens soos Miami en Monaco vaar en sy en haar span uitgebreide spyskaarte in die skeepskombuis optower. Wanneer sy nie aan innoverende maniere dink om haar kliënte se gourmet-drome te bewaarheid nie, is sy immer haar volgende avontuur aan die beplan. 'Ek kry elke paar maande 'n maand of twee af. Dit gee my genoeg tyd om 'n paar reise in te werk voor ek huis toe kom om saam met familie en vriende uit te span,' sê Paula, wat…

naaldwerk & handwerk GEBORDUURDE POSKAARTE MOEILIKHEIDSGRAAD: maklik BORDUURTYD: 6-7 uur JY BENODIG ♥ ou swart-en-wit poskaarte of ander prente op materiaal gedruk ♥ borduurgare in die kleure van jou keuse ♥ borduurnaald ♥ borduurring ♥ skerp skêrtjie BORDUURSTEKE GEBRUIK Verskillende borduursteke kan gebruik word om kleur en 'n prettige, kreatiewe element aan jou prent te gee. 1 In die prent van die seuntjie het ons boeljonknooprose, Franse knopies en madeliefiesteek vir die blomruiker gebruik en stamsteek vir die stingels. Sy hoed en broek is in agtersteek geborduur en sy hemp met 'n voorsteek. Die hemp se sak is met satynsteek gewerk. 2 In die prent van die twee dogtertjies is die oranje kraag met satynsteek gewerk en die knope met Franse knopies. Die strik in die hare is met agtersteek gedoen.…

JY BENODIG ♥ gunstelingfoto's ♥ verskillende stukkies bypassende lint ♥ handwerkgom ♥ skêr ♥ fotoalbum of mooi raam…

BASKIESE KAASKOEK Die 'gebrande' bokant van die Spaanse kaaskoek verskaf die lieflike karamelgeur waaroor almal mal is. Maak dit die dag voor die tyd sodat dit oornag in die yskas kan stol. Maak: 1 kaaskoek (20 cm in deursnee) Bereidingstyd: 15 minute, plus yskastyd Baktyd: 35-45 minute ♥ 500 g volvetroomkaas (2 blokke, nie bakkies nie) ♥ 150 g strooisuiker ♥ 7 ml vanielje-ekstrak (of 10 ml vanieljegeursel) ♥ 3 groot eiers ♥ 250 ml vars room ♥ 30 ml koekmeel 1 Kry al jou bestanddele gereed. Laat die verkoelde bestanddele vir 'n paar uur buite staan om kamertemperatuur te bereik voor jy begin. Koue bestanddele meng nie so goed saam nie. Plaas die oondrak in die middel van die oond en verhit die oond tot 210 ºC (sonder…

MOEILIKHEIDSGRAAD: gemiddeld TYD: 1 dag JY BENODIG ♥ patroon op bladsy 94 ♥ 2,5 m linnemateriaal ♥ 1,5 m teenstellende skuinsband van 25 mm ♥ aanstryktussenvoering vir die kraag en belegsels ♥ bypassende masjiengare ♥ 1 knoop SO MAAK JY 1 Teken die patroon op bladsy 94 op papier en knip dit uit. Gebruik die patroondele en knip die rokdele uit die materiaal. 2 Knip aanstryktussenvoering vir die kraag en belegsels en stryk dit aan die verkeerde kant van die ooreenstemmende patroondele vas. 3 Sit die kraagdele op mekaar met die verkeerde kante aan die binnekant en ryg dit reg rondom vas. Werk die buiterand van die kraag met die skuinsband af en pars dit. 4 Stik die skouernate van die rok en belegsels toe en pars dit oop. 5 Ryg die kraag aan…

naaldwerk MOEILIKHEIDSGRAAD: moeilik TYD: omtrent 60 uur GROOTTE Groot. Vir XG gebruik 'n 5 mm-hekelpen. Vir M gebruik 'n dunner dubbelbreidraad, bv. Classic Wool DK van Elle en 'n 3,75 mm-hekelpen. Vir K gebruik Charity 4-draad en 'n 3,5 mm-hekelpen. JY BENODIG ♥ dubbelbreidraad in 100 g Charity DK in die volgende kleure: School Grey, Rhino, Porcelain, Tiger Cerise, Neutral, Tan; 2 x 100 g in Charcoal ♥ 4 mm-hekelpen ♥ tapisserienaald no. 18 ♥ 12 steekmerkers in verskillende kleure (twee stelle, elk 1-6 genommer) ♥ 6 pêrelknope van 12 mm in deursnee met stammetjies ♥ 2 m geweefde of satynlint van 12 mm ♥ 4 stroke papier, 10 haakspelde, pen AFKORTINGS ablb – agterbeentjielangbeen beg – begin do – draad oor dsl – dubbelslagsteek gls – glipsteek her –…

KOS BIBBY'S: MORE GOOD FOOD DIANNE BIBBY (PENGUIN SA, R480) Die resepte in hierdie boek is meestal eenvoudig, maar tog ook veelsydig en sonder fieterjasies wat jou kan intimideer. Van die resepte is ook plantgebaseer met 'n oorvloed van tekstuur en geur. Dianne gee raad oor wat jy alles in jou spens moet hê en hoe jy dit ten beste kan benut. Kos vir besige weeksdae word gebalanseer met bederwe wat jy tydsaam oor die naweek kan kook wanneer 'n paar genadige ure in die kombuis jou net goed kan doen. Die deure vir kuier en onthaal word ook wyd oopgegooi met kos wat met kreatiewe tafels trou. Spyskaarte wat sorgsaam saamgestel is, verseker dat jou beplanning en bereiding vlot verloop van begin tot end. As jy hou van anderste…

@CAPETOWNCRAFTCLUB KAAPSTAD Die talentvolle Andie Reeves is die kreatiewe krag agter die Cape Town Craft Club, 'n plek waar Kapenaars bymekaarkom en lekker sosiaal verkeer terwyl hulle naaldwerk of handwerk doen. Gaan loer op haar Instagram-blad vir meer inligting. @IBTESAM_ESSA DURBAN Die kosstilis Ibtesam Essa deel die mooiste kosstories en resepte op haar Instagram-blad. Haar lieflike foto's en geregte geïnspireer deur haar kultureel diverse agtergrond sal jou inspireer om die kospotte uit te haal en 'n mooi tafel te dek. @MENDINGTHREADS_NELLLOUISE KAAPSTAD Die borduurkunstenaar en selfverklaarde craftivist Nell Louise Pollock gebruik haar naald en gare om sosiale kwessies aan te roer. Sy kombineer haar liefde vir naaldwerk met kragtige woorde en illustrasies om vroue te bemagtig en ondersteun.…

✽ As kind het ek van my gelukkigste tye saam met my ouma Edna Holst beleef. My ouma en oupa het in die pragtige dorpie Hogsback in die Oos-Kaap gewoon en ons het dikwels oor naweke en met vakansies daar gaan kuier. Hulle het vir baie jare die hotel Arminel op die dorp bestuur en my ouma was verantwoordelik vir die lekkernye wat vir die middagtee bedien is, soos dié gemmerkoekies. ✽ In haar later jare het Ouma die klein poskantoor op Hogsback bestuur. Ons het dikwels briewe vir mekaar geskryf; ek het nog van die briewe en lees dit steeds van tyd tot tyd. Ek kan dan nie anders as om te glimlag nie. ✽ My ouma was baie lief vir brei en het my klein-klein geleer brei. Dis…

BEESKORTRIB-KERRIE Hierdie warm Durban-styl kerrie bevat lekker baie speserye. Jy kan enige snit stowevleis van jou keuse gebruik. Genoeg vir: 4-6 Bereidingstyd: 20 minute Gaarmaaktyd: omtrent 1½ uur ♥ 45 ml canola-olie ♥ 2 kaneelstokkies ♥ 2 steranyssade ♥ 5 ml heel vinkelsaad ♥ 1 groot ui, fyngekap ♥ 1 takkie kerrieblare ♥ 4 knoffelhuisies, fyngedruk ♥ 15 ml fyngerasperde vars gemmerwortel ♥ 2 ml fyn borrie ♥ 30-45 ml warm Durban-masala-mengsel ♥ 10 ml Kasjmiri-rissiepoeier ♥ 1 kg beeskortrib, in stukke gesny ♥ 1 blik (410 g) gekapte tamaties ♥ 1-3 groen brandrissies, pitte verwyder en gesny ♥ 5 ml garam masala ♥ vars koljanderblare en rys van jou keuse, om voor te sit 1 Verhit 'n kastrol oor matige hitte en voeg die olie by. Voeg die heel speserye…

SKEP DIE PRENTJIE Ruim tyd in om groenigheid soos geurige dennetakkies en -bolle uit te snuffel om die tafel se romantiese laag-op-laag-voorkoms af te rond. Onthou, jy is ook deel van die prentjie, so kies 'n gemaklike linneuitrusting in natuurlike skakerings met leerstewels en 'n wyerandhoed. (Sien ons aanwysings om 'n linnerok te maak op bladsy 86.) 'n Sjarmante ou vlak buighout-skinkbord met 'n mengsel van vars sampioene en groenigheid uit die woud vorm die perfekte fokuspunt vir hierdie rustieke tafel. TUISGEMAK As dit kom by kleur, tekstuur en patroon – en kombinasies daarvan – fokus hierdie voorkoms op ingeleefde sjarme. Meng geruite komberse met kussings in verbleikte geblomde lap en voeg tekstuur by in die vorm van ou fluweel. (Blaai na bladsy 85 vir aanwysings om blomme op 'n…

naaldwerk MOEILIKHEIDSGRAAD: gemiddeld TYD: halfdag JY BENODIG ♥ 50 cm stywe tulle ♥ 1 m skuinsband van 25 mm ♥ bypassende masjiengare SO MAAK JY 1 Knip twee stroke tulle van 18 cm breed en 132 cm lank. Sit die twee stroke op mekaar en hou dit gelyk. Vou die dubbele strook 8 cm om en pars dit plat. 2 Vou nou plooie in die gevoude rand, met elke plooi 15 mm breed en die vou van die plooi teen 'n hoek om 'n geronde rand te vorm, tot die verlangde lengte om die nek – ons s'n is 46 cm. 3 Ryg die plooie na aan die rand vas. 4 Maak nou die bandjies. Pars die skuinsband in die helfte en laat dit aan weerskante van die kraagrand 35 cm uitsteek. Stik…

naaldwerk MOEILIKHEIDSGRAAD: gevorderde beginner TYD: 1 dag GROOTTE 50 cm in omtrek (kan verskil vanweë eie spanning of ander breidraad). JY BENODIG ♥ African Expressions Adore 100 g in Pink (hoofkleur) en 30 g in Cream (teenstellende kleur) ♥ 5,5 mm-sirkelbreipen of knoplose breipenne van 5,5 mm ♥ naald om breidraadpunte in te werk AFKORTINGS r – regs rdte – rondte r2tes – regs 2 steke tesame sm – steekmerker st(e) – steek(steke) LET WEL Die hoed word in die rondte gebrei en daar is geen nate nie. Die patroon is in 8 herhalings van 10 ste elk. Daar is verskeie video's op YouTube wat wys hoe om lang drade aan die verkeerde kant van jou werk vas te vang wanneer jy met meer kleure brei. Ons het die metode…

naaldwerk GROOTTES K–M–G–XG–XXG–XXXG JY BENODIG ♥ Drops Soft Tweed van Garnstudio: 300 (350; 350; 400; 450; 500) g in kleur 02 Marzipan ♥ Drops Kid-Silk van Garnstudio: 100 (100; 125; 125; 150; 150) g in kleur 40 Pink Pearl ♥ Drops Kid-Silk van Garnstudio: 100 (100; 125; 125; 150; 150) g in kleur 41 Powder ♥ 7 mm-sirkelbreipenne: lengte 40 cm en 80 cm ♥ 6 mm-sirkelbreipenne: lengte 40 cm en 80 cm ♥ 'n stel knoplose breipenne van 7 mm ♥ 'n stel knoplose breipenne van 6 mm BREIDRAADINLIGTING Drops Soft Tweed is 'n dubbel breidraad, 'n vermenging van 50 persent wol, 25 persent viskose en 25 persent alpakka, met 130 meter op 'n 50 g-bol. Drops Kid-Silk is 'n 2-draad-/ kantbreidraad, 'n vermenging van 75 persent bokhaar en…

RESEP-INSPIRASIE Ek sien altyd uit na die volgende Idees en die inhoud stel net nooit teleur nie. En wow, toe ek op bladsy 30 van die Herfs 2024-uitgawe kom, kon ek my oë skaars glo. Ek kan nie wag om julle beeldskone sout toebroodjiekoek te probeer nie! Baie dankie vir die tydskrif en die wonderlike idees wat altyd daarin is. Susan Westoby VAN BLOK TOT LAP Van oumablok tot lekker lappie! Idees se Januarie/ Februarie 2024-uitgawe het die oulikste blokpatroon gehad, en net daar gaan koop ek katoendraad in Natural en Indigo soos die patroon sê. Maar wat maak 'n mens met net een blokkie? Maak dan maar nog een … Of net een kleur? So is my lappie gebore. En my hekellus is weer volstoom terug! René van Wyk…

VIR 'N JAARLIKSE INTEKENING VAN R374 ONTVANG JY VIER MAAL PER JAAR JOU GEDRUKTE EKSEMPLAAR VAN IDEES.* JY KAN OP EEN VAN DIE VOLGENDE MANIERE INTEKEN: ✽ SKAKEL 087 353 1291 (Maandag tot Vrydag 8 vm. tot 4.30 nm.). ✽ E-POS JOU NAAM EN KONTAKBESONDERHEDE AAN idees@onthedot.co.za (OF AAN ideas@onthedot.co.za VIR DIE ENGELSE UITGAWE).** ✽ WHATSAPP JOU BESONDERHEDE NA 087 353 1292. OF TEKEN JAARLIKS OP DIE DIGITALE TYDSKRIF IN TEEN SLEGS R340 OF KOOP 'N ENKELE DIGITALE EKSEMPLAAR TEEN R90: ✽ GAAN NA ZINIO BY www.zinio.com/za/ Ideas vir jou digitale intekening. OF ✽ LAAI DIE IDEES-APP AF EN KOOP ONS DIGITALE EKSEMPLARE (sien die besonderhede hiernaas). BEPALINGS EN VOORWAARDES * Jou intekengeld is vooruitbetaalbaar. • Die aanbod geld slegs tot 10 Oktober 2024 en is net vir mense wat…