Innholdsfortegnelse for April 2026 i Rooi Rose

Ons smag instinktief na stories van helde. Of dit nou op die silwerdoek of in 'n meesleurende reeks is, die mensdom wil sien hoe die goeie uiteindelik oor die slegte seëvier. Daar is iets aan 'n dapper held wat die situasie beredder wat ons met hoop vul en laat wens dat die werklikheid ook so eenvoudig en regverdig kan wees. As ons egter mooi kyk, stap die ware helde elke dag tussen ons rond. In hierdie uitgawe lees ek die aangrypende verhaal van Mimie Jacobs, wat 'n plaasaanval oorleef het. Daardie nag het nagenoeg 70 boere uit die omgewing saamgestaan om haar te help, die boewe te soek en haar te verseker dat haar plaas veilig sou wees terwyl sy herstel. Dít is wat ware heldedade behels: om onselfsugtig hand…

JANIE DU PLESSIS IS SO DEEL VAN ONS KASSIE-ERVARING SOOS KRAAINES OF HAAS DAS SE NUUSKAS. SY IS TERUG OP DIE KASSIE - VIR DIE VIERDE SEISOEN VAN IN DIE SOP, DIE WERKLIKHEIDSPROGRAM WAARIN SUKKELENDE RESTAURANTE IN DIE EERSTE DRIE SEISOENE OORGEDOEN IS. DIE FOKUS VERSKUIF NOU NA GASTEHUISE Deur MARyKE ROBERTS Foto's GyS LOUBSER Lesers het Janie in die jare tagtig in haar vroeë twintigerjare as een van Suid-Afrika se jongste TV-aanbieders leer ken. Sy het op gewilde kinder- en jeugprogramme soos Teletien, Graffiti en later op Revue Plus op M-Net verskyn. Janie neem vanjaar die rol as aanbieder van In die sop by Bertus Basson oor. Saam met drie ander dekorkenners help hulle sukkelende gastehuise om weer op die been te kom. Die dekorkenner Misi Overturf, wat in…

DAAR IS DEESDAE GEREELD 'N NUWE BESTANDDEEL, 'N NUWE WOORD OF 'N VREEMDE WETENSKAPLIKE NAAM WAT IN ONS VELSORGPRODUKTE OPDUIK, MAAR WAAR BEGIN 'N MENS? HIERDIE IS DIE SURE WAT DIE MOEITE WERD IS OM VAN TE WEET, EN DIE PERFEKTE AFSKOPPUNT VIR BEGINNERS Die woord "sure" kan skrikwekkend en intimiderend klink, maar in die skoonheidswêreld verwys dit bloot na bestanddele wat 'n laer, of soms hoër pH-vlak as sewe het. Daar is verskeie sure wat elkeen verskillende funksies verrig, maar nie almal is noodwendig vir alle veltipes geskik nie. Met hierdie vinnige gids sal jy kan vasstel wat die hoofsure se funksies en voordele is, en ook wat die regte een vir jou is. BEVOGTIGING Hialuronsuur WAT DIT DOEN | Verskaf diep bevogtiging en trek vog aan. Dit kom…

DRIE KENNERS IN DIE SKOONHEIDS- EN STYLBEDRYF GEE ELKE MAAND RAAD EN WENKE OOR HOE OM OP JOU MOOISTE TE LYK 8 wenke vir elke vrou se klerekas: ANÉL BOTHA Mode-ontwerper en stigter van Anél Botha Couture 1 | Koop 'n wit T-hemp wat goed by jou lyfvorm en styl pas. Ek is lief vir 'n kleefpak (bodysuit) omdat dit glad en styf pas. 2 | 'n Donker, eenkleurige denimbroek wat vir jou lyf se vorm werk, sal altyd in styl bly. 3 | 'n Stylvolle, eenvoudige wit knopieshemp kan formeel of informeel gedra word. 4Wit, stylvolle tekkies is veelsydig en kan by menige uitrustings pas. 5 | Belê in 'n mooi swart baadjie (blazer). 6 | Voordat jy jou klerekas begin beplan, koop heel eerste 'n vollengte spieël sodat…

KYK WAT IS IN DIE WINKELS WAT GOED VIR JOU GESONDHEID KAN WEES Daaglikse goedheid Blast Vitality se stigter, Wayne Collin, se suster se afsterwe aan kanker was die keerpunt wat hom gelei het tot 'n reis met gesondheid en voeding. Dié ervaring sowel as sy dogter se gesondheidsuitdagings het die grondslag van sy onderneming, Blast Vitality, gevorm. Só het 'n reeks produkte gegroei, wat daarop gemik is om fisieke gesondheid te verbeter. Een van hul produkte is BLAST™ Daily Reds. Dis 'n mengsel van antioksidantryke superkosse met kragtige bestanddele. Dit ondersteun bloedsomloop, verhoog oefenuithouvermoë en help met herstel. Dit bevat vitamien C, vesel en probiotika om oksidatiewe stres te beveg, die immuunstelsel te versterk en algehele lewenskragtigheid te bevorder. Dit kos R495 vir 20 sakkies en jy meng dit bloot…

OM TE VOORKOM DAT DIE LEWE SE ONVOORSPELBAARHEID JOU FINANSIEEL ONKANT BETRAP, IS DIT NOODSAAKLIK OM TE WEET WAT 'N POLIS IS EN HOE DIT AS DEEL VAN OMVATTENDE FINANSIËLE BEPLANNING GEBRUIK KAN WORD Deur MANDI VAN DEN BERG Dis eerstens belangrik om te verstaan wat die verskil tussen versekering en 'n polis is. Versekering is die finansiële produk of diens wat uitgeneem word om byvoorbeeld bates te beskerm. 'n Polis is die gedetailleerde kontrak wat die spesifikasies uiteensit van die finansiële produk wat uitgeneem word. Individue koop dus 'n versekeringspolis om versekering te kan kry. Versekering behels dat 'n individu 'n premie aan 'n versekeringsmaatskappy betaal om 'n polis uit te neem, wat verseker dat hulle vergoed sal word as 'n moontlike skadelike gebeurtenis of finansiële verlies plaasvind. Versekering…

HIERDIE HEERLIKE GEREGTEIS PERFEK VIR GESINSAMESYNOOR DIE LANGNAWEEK Resepte, stilering en fotografie MARLO KITSHOFF-CARSTENS Skaapskenkels *4 porsies genoeg olyfolie 4 groot lamskenkels sout en swartpeper na smaak 2 uie, gekap 3 knoffelhuisies, fyngekap 500 ml (2 k) skaapvleisaftreksel 250 ml (1 k) rooiwyn 400 g (1 blik) gekapte tamaties knypie droë roosmaryn of vars takkie roosmaryn 1 lourierblaar 15 ml (1 e) bruinsuiker sout na smaak swartpeper na smaak hand vol vars pietersielie, gekap Verhit oond tot 180 °C. 1. Verhit bietjie olyfolie in kastrol tot goed warm. 2. Sprinkel skaapskenkels goed met sout en peper aan albei kante. 3.Braai tot bruin aan albei kante. Skep skaapskenkels uit. 4. Voeg uie en knoffel in kastrol en braai tot ui begin sag raak. 5. Giet skaapvleisaftreksel, rooiwyn en tamaties in diep…

HIERDIE BLADSY: Die boonste vloer het 'n klein kuiervertrek. Di kaggel se donkerblo teëls onderskryf die huis se retro-karakter en voeg ryk kleur by die aardse palet. DIT MOES 'N HUIS WEES WAAR DIE FAMILIE KON KOM OM TE BRAAI, SWEM EN ONTSPAN. MET DIE HULP VAN 'N BINNENSHUISE VERSIERDER KON 'N PAARTJIE HUL DROOMHUIS MET AARDSE KLEURE OP YZERFONTEIN SKEP Deur MARYKE ROBERTS FOTO'S KLEINIAN GROENEWALD BO: 'n Klein kuierhoekie met 'n marmerbladtafel kyk uit oor die see. Die blou kaaaelteëls is 'n treffende fokuspunt. ONDER: Die klem is op gemak en verskeie klein kuierhoekie: waar jy kan ontspan. Tydens 'n vakansie op Yzerfontein aan die Weskus het 'n gesin hul hart op dié dorpie verloor en besluit om 'n huis daar te koop en te restoureer. Die ligging…

ONS GESELS MET DIE MEESTER-MISDAADSKRYWER DEON MEYER OOR SY 2OSTE BOEK, SKORPIO. IN DIE UITVAART ONDERSOEK CARLA VAN DER SPUY VERSKILLENDE ASPEKTE VAN DIE DOOD EN IN UIT ROU GEBORE VERTEL ELISMA VAN ZYL VAN HAAR PAD NÁ DIE VERLIES VAN 'N LEWENSMAAT Deon, hoe, waar en wanneer het jy begin skryf? Ek het al op hoërskool danksy die aanmoediging van mev Valerie de Bruyn (Engels) en mnr Piet Meyer (Afrikaans) begin kortverhale skryf. Maar ná universiteit het my skryfwerk as joernalis, bedryfsjoernalis en reklamekopieskrywer al my skeppende energie getap. In my vroeë dertigerjare het ek vir die eerste keer weer fiksie begin pleeg, aanvanklik kortverhale vir Afrikaanse tydskrifte. En toe, in 1994, my eerste spanningsfiksie in boekvorm. Wat was die vonk vir Bennie Griessel en Vaughn Cupido as hoofkarakters…

Afkortings aw - aweregs ks - koussteek r - regs RK - regte kante VKV - verkeerde kant voor weersk - weerskante DIÉ MAKLIKE PATROON WERK EWE GOED VIR 'N SEUN OF DOGTER Deur CHRISTA SWANEPOEL Foto GARETH VAN NELSON WAT HET JY NODIG? * Classic Yarns se Fur (100 g) 3 balle elk in Kleur 5 en Kleur 12 OF kleur(e) van jou keuse 5,5 mm- en 6,5 mm-naalde * (Opsioneel) Twee ogies en snoet (of knope) BREI-INLIGTING Die patroon is vir kind van 3 tot 4 jaar, maar kan aangepas word omdat een steek gelyk is aan 1 cm. Die skets is min of meer 'n aanduiding van grootte en hoeveelheid steke vir 6 tot 9 maande (12-18 maande; 2 jaar). 29(30; 33) cm Begin moue met 6-8…

SY MA HET HOM GELEER OM NOOIT OOR 'N VROU SE OUDERDOM UIT TE VIS NÁ HAAR 21STE VERJAARDAG NIE, AL IS JY OOK HOE NUUSKIERIG. DIS HAAR VOORREG OM DIT TE DEEL OF NIE Deur SUSAN COETZER Ek is die afgelope weke soos 'n sprinkaanplaag deur 'n paar ton rooibosteesakkies en lorrievragte komkommerskywe. Nee, dis nie aan my komposhoop in die tuin geskenk nie, maar klokslag voor ek gaan slaap en sodra ek wakker word op my ouerwordende Lisa de Waal-oë geplaas. Wat ons nie alles sal doen om jonger te lyk nie - veral as die man van belang jonger is as jy. Verder het ek ten koste van my reeds knap begroting in 'n peperduur velproduk belê, wat my vriendin, Joyce, die skoonheidsterapeut, sonder om te blik…

BOME SORG VIR MEKAAR, EN SAL SOMS VIR DEKADES LANK 'N AFGESAAGDE STOMP AAN DIE LEWE HOU DEUR SUIKERS EN ANDER VOEDINGSTOWWE DAARHEEN TE STUUR. NAVORSERS BEGIN NOU MAAR EERS 'N SNARS VAN DIE GANSE PROSES TE VERSTAAN Deur ANNEMARIE VAN DER WALT My een ouma het nooit 'n paspoort gehad nie. Dit het skielik by my opgekom toe ek onlangs boeke regpak en een uit die stapel in my arms gly en só val dat ek die inskripsie kan lees, sommer so onderstebo: "Aan Anne Marie van Ouma Plaas." Jimmel, wanneer laas het ek daardie bewerige handskrif gesien wat ek eens só intiem geken het? Die skrif was nie toe bewerig weens haar ouderdom nie; daar was eerder 'n huiwerigheid van iemand wat heeltemal te jonk uit die skool…

Daniah loer 'n paar oomblikke na die spyskaart en bestel sonder huiwering 'n stuk wortelkoek. "Ek het beslis 'n suikertand," verklap die blonde aktrise wat besonder sjiek in haar naaswit toppie en langbroek lyk. "Ek en my ma maak so 'n konkoksie van kondensmelk, malvalekkers, gebreekte koekies en versiersuiker. Jy's vreeslik naar nadat jy dit geëet het, maar ons is min gepla," lag sy. "My ouers woon deesdae in Dubai, maar het Desember hier gekuier en ons het alte lekker gesmul." Daniah straal 'n kalmte uit, wat op 'n innerlike vrede en selfvertroue dui, wat nie regtig by 'n 23-jarige tuishoort nie. Maar dan is sy nie juis die gemiddelde jong meisie wat op dié ouderdom nog sukkel om haar voete te vind nie. Met ons vorige ontmoeting was sy…

KIES DIE JONGSTE PRODUKTE WAT JOU METJOU VELSORGKWESSIES KAN HELP Deur LEANDRI WAHL 1 | The Body Shop Vitamin E Barrier Boost Cream R315, THE BODY SHOP Met herfs wat hier is en winter aan die kom, is dit altyd 'n goeie idee om 'n bevogtiger te hê wat jou velversperring in 'n tyd van nood kan red. Hierdie room bied intense bevogtiging in die vorm van hialuronsuur, poliglutamiensuur en seramiede, en het 'n ryk, maar liggewigtekstuur wat vinnig absorbeer. Gebruik dit wanneer jou vel droog begin voel of saans ná jou serum om dehidrasie en droogheid te voorkom. 2 | Dr. Hauschka Rose Nurturing Body Oil R615, WWW.DRHAUSCHKA.CO.ZA Selfsorg kom in baie vorms, maar ons gunsteling is definitief deur middel van velsorg. En dit sluit natuurlik jou lyf in!…

KRY ONMIDDELIKKE BETALING VIR JUWELE, MUNTE & OORLOGMEDALJAS As die voorkeurdiensverskaffer landwyd in die Antieke, Edelmetaal, en Numismatiese bedryf, is ons ten volle gekwalifiseer en toegerus om die volgende dienste aan te bied: 'n Gratis evaluasie en onmiddellike betaling (Eft, Kontant, Kripto) teen markwaarde. Ons reis regdeur Suid-Afrika om gratis evaluasies in die privaatheid en veiligheid van u eie huis te bied. Ons omskep ou juwele in stylvolle en elegante nuwe stukke. (+27) 71 323 8341 (+27) 78 827 9421 info@antiquesandcoins.co.za  www.antiquesandcoins.co.za 582 Jacqueline drive Verwys Familie & Vriende Verdien 'n Verwysings Fooi! Ons is ook lede van GIA Alumni Association Jewelry Counsel South Africa South African Association Of Numismatic Dealers (SAAND) The South African Antique, Art & Design Association (SAADA) The National Antiques & Decorative Arts Association (NAADA) Ons…

ONS LOER NA NUWE PRODUKTE EN DEEL ALLERLEI EET- EN KOSDINGE WAARVAN JY GRAAG SAL WIL HOOR SPAR-kos vir smulpape As jy jou ooit in Ballito in KwaZulu-Natal bevind, is die SPAR Gourmet Store by Zimbali Oasis 'n besoek werd. Die vlagskipwinkel is die eerste SPAR Gourmetwinkel in die land en is die begin van 'n nuwe hoofstuk vir die bekende handelsmerk. SPAR Gourmet is juis bedoel om meer as net 'n winkel te wees, dis 'n plek waarheen jy gaan vir 'n koservaring soos min en waar jy iets anders kan verwag. Besoek www.spar.co.za/SPAR-Gourmet Yskoue lekkerte Ystee is 'n heerlike drankie en met The Sip Store se Dynastea is dit nou nog makliker om aan te maak. Jy kan met die konsentraat ystee aanmaak of dit gebruik om skemerkelkies…

BAIE MENSE DROOM DAARVAN OM DIE STADSGEDRUIS VIR 'N RUSTIGER BESTAAN TE VERRUIL. IS DIT 'N GOEIE PLAN? WAT MOET JY IN AG NEEM? TWEE VROUE WAT DIE DAAD BY DIE WOORD GEVOEG HET, DEEL HUL ERVARING Deur MARIETTE SNYMAN Hoewel sy lewenslank in die stad gewoon het, het sy deurentyd na 'n omgewing met minder mense en meer natuur verlang, erken dr Melodie de Jager, 'n menslike ontwikkelingspesialis en die stigter van die Mind Moves Instituut. “In 2024 het ek 'n onvoorsiene skuif gemaak van Johannesburg na 'n plaas wat rofweg tussen Bronkhorstspruit, eMalahleni en Groblersdal lê. Dis ongelooflik om hier te kan woon. "Die stadslewe het my energie getap: die lawaai, graffiti, winkels wat leeg staan, bedelaars op die straathoeke, die vinnige pas en konstante prestasiedruk. As ek…

CATASTROPHISE. DIS WANNEER 'N MENS JOUSELF OORTUIG 'N SITUASIE IS ERGER AS WAT DIT IN WERKLIKHEID IS. JY OORDRYF ALLES WAT VERKEERD KAN GAAN Deur BERNADINE LIGHTFOOT Ten spyte van die swaar skoolsak staan Liam kiertsregop. "Dit maak nie saak nie, Ma. Los dit net." Ella se blik skiet na haar seun. "Nee, Liam, dit maak saak!" "Dis net 'n kunspunt, Ma. Niemand worry daaroor nie." "Dit bring jou jaarpunt met vier persent af. Wat van jou universiteitskeuring?" Ella wend haar weer na die graadhoof wat haar verdraagsaam van agter sy lessenaar sit en betrag. "Liam het'n onverbeterlike stuk werk ingehandig." 'n Klompie kinders loop lawaaierig verby die oop klaskamerdeur en Ella verhef haar stem. "Juffrou Grobler het hom weereens 'n onbillike punt gegee!" Dit het gevaarlik na aan skreeu…

    Te oordeel aan sommige van die mees ikoniese liefdesliedjies uit die jare tagtig, is'n held iemand op wie se koms jy bedees en geduldig moet sit en wag. Peter Cetera beloof in "Glory of Love" dat hy sy geliefde se eer sal beskerm vir al wat hy werd is; en in 'n temaliedjie van die fliek Footloose sniksing Bonnie Tyler mos oor die held waarop sy so naarstig wag. Dié ou moet sterk en "larger than life" wees; reg om wapens vir haar op te neem. Ag nee wat, sê Cindy Swanepoel, self'n produk van die jare tagtig. Sy's g'n damsel in distress nie en as sy nou al enigiets uit haar 44 jaar op aarde geleer het, is dit dat daar g'n beter held as jyself is…

HIERDIE BLADSY: OORBELLE R290, T-HEMP R399, LEVI BAADJIE R1 499, LEVI DENIMBROEK R1 699, ZARA SKOENE R399, FOSCHINI VORIGE BLADSY: OORBELLE R280, LOVISA DENIMHEMP R6 999, DIESEL KORTBROEK R499, H&M GOUE TOSSEL OP BROEK R300, LOVISA SKOENE R899, FOSCHINI STILIS ZEENAT KHAN STILISASSISTENT LEIGH PATON FOTO'S GARETH VAN NELSON FOTOGRAAF-ASSISTENT KYRA WELCH HARE EN GRIMERING LAURA MITCHELL MODEL MARINA SCHULIK/BOSS MODELS VIND HIERDIE ARTIKELS BY: DIESEL www.diesel.co.za FOSCHINI www.bash.com/foschini G-STAR www.g-star.com/en_za/ H&M www.superbalist.com/brand/ h&m www.levi.co.za LOVISA www.lovisajewellery.co.za LUXOTTICA www.essilorluxottica.com/en/ WOOLWORTHS www.woolworths.co.za ZARA www.zara.com/za/ HIERDIE BLADSY: SONBRIL STILIS SE EIE OORBELLE R280, LOVISA ROK R1 699, LEVI GORDEL R129, FOSCHINI ARMBANDE R300, LOVISA SKOENE R799, FOSCHINI VORIGE BLADSY: HALSSNOER R280, LOVISA KATPAK R5 699. G-STAR LANG TRUI R3 699, GSTAR…

WILLEM BOTHA TOOI ALLEDAAGSE VROUE ÉN BEKENDE PERSOONLIKHEDE IN 'N PRAGPRENTJIE MET SY TALENT ÉN GEHALTEPRODUKTE. HY VERTEL MEER Wen Een leser kan 'n Willem Botha Beautygeskenkpak ter waarde van R3 050 wen. Dit sluit die volgende in: Oogskadupalet Borselstel Blosserpoeier Verhelderaarpoeier (highlighter) Opskerppoeier (sculpting powder) Lipglans Liquid Matte-lipstiffie Besoek www.rooirose. co.za en klik voor of op 23 April 2026 op die wen-blokkie om vir die prys in aanmerking te kom. *Slegs een inskrywing April bring vir my altyd daardie eerste regte herfsgevoel - die lig raak sagter, die aande koeler en skielik begin 'n mens weer lus kry vir 'n bietjie meer warmte in alles... ook jou grimering. Net klein veranderinge is nodig. 'n Sagter oog en warmer lip en skielik voel dit of jy weer jou skoonheid raaksien. Dis…

TALLE VOORNEMENDE OUERS GAAN DIE GEBOORTE VAN HUL KLEINDING MET GEMENGDE GEVOELENS TEGEMOET. SAL DIE PROSES GOED VERLOOP? GESTEL HULLE WORD ONKANT BETRAP OF WEET NIE WAT OM TE DOEN NIE? 'N UNIEKE GEBOORTE-OPVOEDINGSPROGRAM RUS PAARTJIES VIR DIÉ GROOTSE ERVARING TOE Deur MARIETTE SNYMAN Om lewe te skenk is so oud soos die mensdom self. Die welstand van ma en baba bly die spil waarom alles draai, maar geboortepraktyke, pynbestuur en ander aspekte verskil van tyd tot tyd en plek tot plek. Vandag het verwagtende ouers meer opsies as ooit tevore. Een van die moontlikhede is HypnoBirthing®, 'n internasionale benadering tot natuurlike geboorte wat die aanleer van diep ontspanningstegnieke, die verwerking van vrese en die gebruik van Moeder Natuur se eie narkose" insluit. "Ouerskap is seker een van die moeilikste…

DUISENDE PASGEBORE BABAS WORD JAARLIKS VANWEË ONGEWENSTE SWANGERSKAPPE IN DIE STRAAT IN ASBLIKKE, PUTTOILETTE, OP ASHOPE OF IN PARKE WEGGEGOOI. TWEE DERDES VAN DIE BABAS OORLEEF NIE. MAAR MET BEHULP VAN VONDELINGKLUISE WAT DWARSOOR DIE LAND DEUR DIE LEDE VAN BABY SAVERS SOUTH AFRICA INGERIG IS SOWEL AS DIE INNAME VAN TALLE BABAS BY MOMMY'S HOMES, WORD 'N GOEIE EN STANDVASTIGE TOEKOMS VIR HULLE VERSEKER Deur MARTJIE ROOS Tienerswangerskappe in Suid-Afrika neem onrusbarend toe. Volgens statistieke het sowat 150 000 meisies tussen die ouderdom van 10 tot 19 in 2024 swanger geraak. Die syfers word as 'n nasionale krisis beskou omdat van die jong meisies skool verlaat en dit 'n negatiewe impak on opvoeding het. Die vroeë swangerskappe het boonop 'n negatiewe invloed op toekomstige werksvooruitsigte en dompel al hoe…

HEATHER GOATE S AAN DIE STUUR AN 'N NASIONALE MARKINGSPAN WAT SELFVERTROUE, WAAGMOED EN SELFUITDRUKKING MET REVLON-PRODUKTE BY VROUE ONTSLUIT Deur DANÉL BLAAUW Foto's ChrISTOpH HOfFMANN Grimering LYNN HOFF MEER AS ROOI lipstiffge. Rooi lipstiffie is nooit nét 'n rooi lipstiffie nie. Agter daardie rooi lippe skuil daar gewoonlik 'n goeie skoot selfvertroue, 'n stille krag en die wete dat hier 'n vrou is wat in selfuitdrukking glo - op 'n klassieke manier. Heather Goate, die bemarkingsdirekteur van Revlon Suid-Afrika, is só 'n vrou. Die tipiese Revlon-vrou, kan jy maar sê. Want wie ken dan nié daardie klassieke rooi lipstiffie of rooi naellak waarmee jy 'n stelling maak wanneer jy'n vertrek instap nie! Heather is die tipe vrou aan wie se (rooi) lippe jy hang wanneer sy praat. Haar woorde…

DIE WÊRELD VERANDER VOORTDUREND EN DAAR IS KONSTANT NUWE UITVINDINGS. HOE BLY ONS BY EN VOORKOM SÓ DAT ONS AGTERGELAAT WORD, VRA ZERELDA ESTERHUIZEN Hulle sê die enigste konstante in die lewe is verandering en dit is gewis so as jy kyk hoe die wêreld al verander het, en steeds verander. Ons word konstant met inligting en nuwe tegnologie gebombardeer en dis nie aldag maklik om ingelig te bly nie. Dis veral nie maklik as jy al hoe ouer word en nie meer lus is om met katoeters te speel of nuwe inligting te verwerk nie. 'n Mens wil weet wat aangaan, maar jy wil nie noodwendig die tyd insit om als te leer nie... Kenners is dit egter eens dat jy in vandag se lewe nie kan bekostig om…

ONS GEE RAAD EN DEEL ALLERHANDE INTERESSANTHEDE Deur CHRISTA SWANEPOEL ONS MAAK TUIN VAN A TOT Z DUISENDBLAD Duisendblad (yarrow) is lank met toorkuns geassosieer en as beskerming teen bose geeste gebruik. Vandag weet ons dat duisendblad baie waardevol in ons tuine is, want dit bou voedingstowwe op en lat dit in die grond vry, tot voordeel van die omringende plante. Die blare weer skadelike insekte af terwyl die blomme voordelige insekte lok. As dit op die komposhoop gegooi word, bespoedig dit die kompostering. Dit is 'n geharde meerjarige plant wat volson verkies en tot 90 cm hoog kan groei en 60 cm uitsprei. Dit benodig baie water tot dit gevestig is en daarna kan dit tye van droogte weerstaan. As jy duisendblad wil vestig, is dit makliker om saailinge…

HULLE WEET HOE OM 'N DAG OP TE KIKKER EN IS ONS GROOTSTE ONDERSTEUNERS. HIERDIE BLAD KYK NA ALLERHANDE ASPEKTE WAT JOU VIERVOETIGE KINDERS RAAK VEEARTS BEANTWOORD VRAE DIE REGTE KOS Mag my troeteldiere huiskos kry? Dit word in die algemeen aanbeveel dat troeteldiere nie oorskietkos of die meeste menskos gegee word nie, aangesien dit gesondheidsprobleme kan veroorsaak, toksies kan wees (soos druiwe), gastritis of pankreatitis kan veroorsaak of tot vetsug bydra. Hoewel daar sommige kosse is wat veilig is vir diere, is daar ook 'n lang lys kosse wat probleme kan veroorsaak. Die algemeenste giftige kosse in die huis sluit sjokolade, xylitol-bevattende produkte, uie, knoffel en druiwe in. Terwyl die meeste vleis veilig is, is dit belangrik om daarop te let dat vleis wat baie vetterig is, soos lam,…