Innholdsfortegnelse for May 2026 i Tuis

Admin is ’n vorm van aanranding, tik my kollega Marian nou die dag vir my in ’n WhatsApp toe ek kla oor die oneindige papierwerk wat nodig is om my motor se spaarsleutel te vervang. “Ek gaan jou aanhaal,” tik ek terug. Want dis ware woorde, en ek het ’n lysie van doendinge op my foon wat net nie einde kry nie. Daai soort tameletjies wat nie met ’n enkele e-pos reggestel kan word nie. Nee, eerder die soort wat vereis dat jy onder meer polisiekantoor toe moet ry vir ’n beëdigde verklaring, gesertifiseerde afskrifte – en in een geval ’n bloedtoets, vastend natuurlik. As ek dit tog net kan onthou! Want voor ek myself in die oggend kom kry, het ek koffie in my lyf, en die dokter is…

MOOISAÏEK “2026 is die jaar waarin gekleurde mosaïek moderne interieurs definieer en persoonlikheid aan elke ruimte verleen,” sê Nicole Russell, bemarkingsbestuurder by Italtile. “Ons blou seskantige teëls skep byvoorbeeld ’n rustigheid in kombuise en badkamers. Kleure wat tans gewild is – van strelende neutrale skakerings tot lewendige edelsteenkleure – het die krag om die luim te verander en vloei te verbeter.” Steel Blue- lang seskantige porseleinmosaïekteëls (297 x 307 mm) R165 per vel, italtile.co.za Blomblare vol lig Skep die regte atmosfeer met Wire Maven se Petal-versameling lampskerms en hangligte. Ons is gek na die Hanging Petal-hanglig in die kleur Cherry Kiss (R3 150, wiremaven.co.za)! VOORSTE GESTOELTES Die Dreamscape Chair 20 (vanaf R6 265, davidkrynauw.com) was ’n groot treffer by KAMERS/Makers in Kaapstad vroeër vanjaar. Dié lieflike stuk uit die Joburg-reeks…

'n Fantastiese R120 000 is op die spel in ons jaarlikse Regruk met flair-kompetisie, en jy kan ’n wenner wees! Gelmar is weer ons vennoot in vanjaar se kompetisie, en opknappers en restoureerders word genooi om met hulle handewerk te spog, ander lesers te inspireer en te mik na die topposisie in elk van ons drie kategorieë. Gelmar is een van Suid-Afrika se voorste huisverbeteringswinkels met ’n omvattende reeks topgehalte produkte wat bewese funksionaliteit en ontwerp kombineer om praktiese opknap-oplossings te bied. Die beste van alles? Die afwerkings is indrukwekkend en die pryse bekostigbaar. Of jy nou ’n huiseienaar is wat ’n naweek-opknapprojek takel of ’n professionele kontrakteur wat omvattende restourasiewerk beplan, kies Gelmar. Met meer as 90 jaar se ervaring plus ’n belofte van gehalte en ’n passie om…

E-pos jou vrae na troeteldiere@tuis.co.za. WEN! Elkeen van die eienaars wie se troeteldiere op dié bladsye verskyn, wen ’n geskenkbewys van R500 van Petshop Science (petshopscience.co.za). Kry al jou troeteldierprodukte onder een dak by Petshop Science waar kundige assistente jou help om die regte keuses te maak. ’n Gerieflike plek om in te slaap is net so belangrik vir jou troeteldiere as vir jou. Dit help hulle ’n dieper nagrus kry wat hulle immuunstelsel en algemene gesondheid ondersteun. En met die winter wat sy tande begin wys, word dit des te meer noodsaaklik om seker te maak jou diere het ’n warm inkruipplekkie. Dog’s Life se Couch Napper XL (R999,99) met sy geometriese patroon is ’n gerieflike uitspanplek vir honde en spog met breë sykante en ’n dik, weelderige kussing…

Lekkerbek-lasagne Regte lasagne is nie iets wat jy vinnig berei nie, maar o wee, dis hemels as dit klaar is. Maak die vleissous vooruit om die taak makliker te maak. Genoeg vir 12 porsies • Voorbereiding: 30 minute • Gaarmaaktyd: 1 uur 15 minute (mits die ragù klaar is) • Oondtemperatuur: 180 °C sowat 18 droë lasagnepastavelle 1,2 liter ragù (resep op bl. 122) of bolognese-vleissous (resep op bl. 123) 300 g mozzarellakaas, gerasper 80 ml fyngerasperde parmesaankaas om voor te sit WITSOUS 80 ml botter 125 ml koekmeel 1,2 liter warm melk 1 lourierblaar, vars of gedroog 3 ml varsgerasperde neutmuskaat 1 Maak die witsous Verhit die botter in ’n kastrol tot gesmelt en skuimerig en klits die meel met ’n draadklitser by om ’n gladde pasta te vorm…

WENBRIEF Adel en arbeidsadel op die dorp Hanniki Bruère van Graaff-Reinet (Robert Sobukwe-dorp) skryf Toe Li Edelkoort in Februarie ’n werksessie by Babylonstoren hou, dink ek terug aan die tyd toe sy by my gastehuis Avondrust op Graaff-Reinet tuisgegaan het. Al ons luukse kamers was lank vooraf vir ’n sybokhaarberaad bespreek, maar ’n paar dae voor die tyd kry ek ’n oproep om te hoor of ons ook plek het vir Li, daar was ’n misverstand met haar akkommodasie. Al wat ek kon aanbied was my eie ruim slaapkamer met ’n koninggrootte hemelbed en sitgedeelte. Ek kry splinternuwe geborduurde katoenlakens, vars blomme en goeie leesstof. Li boek net voor twee in en is vol komplimente oor haar verblyf, maar ’n uur en ’n half later kom sy by die trap…

WIE WOON HIER? Willem en Esmarié Joubert en hulle kinders, Nina (19) en Niel (17) WAAR Onrusrivier GROOTTE VAN HUIS 450 m² As jy nog nie oortuig is dat tegnologie jou lewe kan verander nie, kan jy gerus op Onrusrivier in die Overstrand by die Jouberts gaan kuier. Danksy Google Earth het hulle hul droom-erf – ’n groen ruigte oortrek met groot bome – gevind en uiteindelik hul droomhuis daarop gebou. Die hele huis is om verskeie tuinhoekies en groen vierkante ontwerp deur Douglas (DJ) Carr van Ghost Fountain Design, en danksy leiklipvloere, groot stapeldeure en wit saksmeermure lyk Willem en Esmarié Joubert se huis asof dit al dekades hier in die oerwoudagtige tuin skuil, al is dit net 11 jaar gelede gebou. Hoewel baie mense Onrus toe trek om…

1 KURKSAG In hierdie slaapkamer sorg ’n vollengte kurkmuur vir warmte, tekstuur en ’n speelse, tasbare gevoel – en ’n eenvoudige oppervlak word omgetower tot ’n treffende ontwerpelement. As verdere bonus beteken die sagte oppervlak geen kopstuk is nodig nie. Kurkpanele soos dié bestaan gewoonlik uit groot teëls; probeer Amorim Cork of Get Cork vir soortgelyke opsies. 2 REG SOOS ’N REIER Toe sy ’n oorgroot reier kies vir die plakpapier in haar slaapkamer, het dit vir Lindie Senekal van die Paarl gevoel soos ’n dapper stap, maar elke keer as sy die ruimte binnegaan, word sy opnuut getref deur die skoonheid daarvan. Om die plakpapier ekstra oemf te gee is die onderste stuk van die muur kaal gelos met ’n dadoreling wat ’n “raam” vorm vir die plakpapier bo…

E-pos jou opknapprojek aan opknap@tuis.co.za. WIE WOON HIER? Hannes en Inance van der Merwe en hulle dogters, Marcelle (2) en Carmille (3 maande) WAAR Kroonstad, Vrystaat GROOTTE 210 m²; binnehof 100 m² “As ek die styl van die huis moet beskryf, sal ek dit modern Mediterreens noem,” sê die binneontwerper Inance van der Merwe. Inance, wat meganiese ingenieurswese gestudeer het, het haar meestersgraad in Italië voltooi waar die argitektuur en ontwerp – veral in die stad Lucca – ’n groot invloed op haar smaak en styl gehad het. Wanneer ’n mens die egpaar se huis nader, roep die verweerde mure van die onlangs opgeknapte plaashuis, die pergola en wingerde, die olyfbome in terracottapotte en die sagte saliegroen van die buitedeure ’n prentjie van die Italiaanse platteland op. Maar dit was…

Stuur tuininligting en -vrae na tuine@tuis.co.za Kosmos (Cosmos bipinnatus) Hierdie pragtige jaarplante dans in die wind en is te kry met pienk, wit en selfs dieprooi blomme. Hulle groei maklik van saad wat in die lente gesaai is en sal oorleef in arm grond. As hulle eers gevestig is, het hulle min water nodig en geen voeding nie. 2 Echinacea ’n Hele reeks lieflike hibriede is beskikbaar in ’n verskeidenheid van kleure, en die blomme op sterk stele is soos ’n magneet vir voëls en insekte. Plant hulle in volson. Los die saadkoppe sodat die voëls en insekte dit in die winter kan geniet. 3 Wildedagga (Leonotis leonurus) Die helderoranje of fluweelagtige roomkleurige blomme van hierdie lang, dromerige herfsblomme vorm pragtige klosse op hoë stele. Dit is ’n inheemse struik…

Lugbraaier-hoender-enpampoenslaai Onder R135 • Genoeg vir 4 • Voorbereiding: 30 minute Gaarmaaktyd: 25 minute 650 g pampoen, in klein blokkies gesny 60 ml olyfolie 10 ml garam masala 1 blik (400 g) kekerertjies, gedreineer 400 g mini-hoenderfilette ’n knypie rissievlokkies 1 kop bros slaaiblare soos cos of crunchita, in blare gebreek 200 g groen olywe gestop met rooi soetrissie (“pimento”), gehalveer 200 g kersietamaties, gehalveer 125 ml amandelsplinters, gerooster 150 g fetakaas, in blokkies gesny vinaigrette vir voorsit 1 Meng die pampoenblokkies met 30 ml olyfolie en geur met die garam masala en sout en varsgemaalde swartpeper. Sit op ’n velletjie bakpapier in die mandjie van jou lugbraaier en rooster vir 15 minute by 200 ºC. Roer deur en rooster vir nog 10 minute of tot gaar en geurig. (As…

Verstik ek amper in my oggendkoffie toe iemand anderdag ’n heel grafiese stukkie pornografie op die buurt se WhatsApp-groep plaas. Ek sit my bril op, want ek kan my twee ôghe nie glo nie. Dis ’n bítter beskaafde buurt hierdie. Mos. Mens verwag nie sulke eksplisiete demonstrasies van die “oerdaad” hiér nie. Ek vee die koffie van my ken af en kyk weer. Wie’t die stuitige knipsel geplaas? ’n Man, sien ek. ’Tuurlik. Ene Dawie. Vir lank roer g’n niemand ’n spriet nie. Ek self sit daar, handjies omhoog soos ’n bidsprinkaan. Nié dat ek ooit deelneem nie, maar ek hou tog ogie vir die nuttigheid daarvan. En soms verbaas ek my vir die mini-oorloë wat daar ontbrand, oor simpel goed soos hondebollie of asblikkrappers. Daar’s altyd ’n diep verontwaardigde.…

Neutraal maar warm Ná ’n opknapprojek wat natuurlike materiale met weldeurdagte argitektoniese lyne kombineer, is hierdie gesin se “vir-altyd-huis” in die Kaapse stadskom die toonbeeld van ingetoë sofistikasie. Die projekargitek, Jan Douglas van KLG Architects, en sy vrou en vennoot, Liani Douglas van Douglas & Company, wat vir die binnenshuise ontwerp verantwoordelik was, het sorgvuldig te werk gegaan om praktiese afwerkings te kies – dit sluit in fluweelagtige kalksteenvloere wat regdeur die huis gebruik word, en volhoubaar verkrygde plaaslike dennehoutplafonne wat ’n gevoel van warmte in die leefruimtes skep. Die houtbalustrade op die trap wat net langs die liggevulde ingang lei na ’n studeerkamer, is in ’n ryk terracotta skakering geverf wat ’n mooi kontras vorm met die kleure van die dennehoutplafonplanke en kalksteenvloere. Rooi skakerings soos terracotta, roes of…

WIE WOON HIER? John en Cheryl Gaughran WAAR Sheffield Beach, KZN GROOTTE 330 m² ’n Sjarmante ingeboude bank wat oor die see uitkyk, het Cheryl Gaughran aan Griekeland herinner – en nadat sy en haar man, John, drie jaar lank na die perfekte huis gesoek het, het hulle geweet hulle is by die regte adres. “Dit was altyd ons plan om na ’n strandhuis aan die Noordkus te trek sodra ons drie seuns uit die skool is in Hillcrest, waar ons 20 jaar lank gewoon het,” vertel Cheryl. “Die soektog na die regte eiendom in die omgewing van Salt Rock en Sheffield Beach het lank geneem, maar dit was die moeite werd om te wag – ons is dol oor die strande en die rustigheid van die buurt.” Die huis…

Hou mooi kop! MET ’N GESTOFFEERDE KOPSTUK SKEP JY ’N SAGTE FOKUSPUNT. Altyd aan my sy KIES ’N MOOI BEDKASSIE WAT OOK SY WERK BEHOORLIK SAL KAN DOEN.…

E-pos jou vrae na kenners@tuis.co.za. Stilis se wenke Tooi jou huis só in pienk Pienk in die interieur is terug, in van sagte blos skakerings tot helder magentas. Hier is ons kreatiewe redakteur, Marian van Wyk, se gids om dié kleur met flair en selfvertroue te gebruik: 1 Nie net vir slaapkamers nie! Die huidige pienk gier gaan juis daaroor dat jy uit jou gemaksone kom. Doreen de Waal het behoorlik laat waai en haar gastebadkamer tot op dadorelinghoogte in ’n vuurwarm magenta geverf, en die res van die muur in ’n speelse borrelgompienk (links). Jy kan magenta as ’n vrolike verwelkoming in ’n ingangsportaal ook gebruik, of stofpienk saam met elegante metaalkleure in die kombuis, terwyl ’n pienk fokusmuur in ’n studeerkamer jou kreatiwiteit kan prikkel. Druk jou unieke stempel…

NUUT OP DIE MARK! Medal All-In-One Quick Drying Wood Varnish (vanaf R879 vir 5 liter), ’n innoverende vernis met ’n alkiedbasis, is binne net een uur droog genoeg om aan te raak, en binne vier uur gereed vir nog ’n laag. Dit is beskikbaar in ses kleure en is ’n onderlaag en beskermende bolaag in een wat kwaste in die hout toesmeer en klein openinge in die afwerking seël. VERSKAFFERS India Ink indiaink.co.za K.Light klight.co.za Medal Paints medalpaints.co.za Mr Price Home mrphome.com Patio Warehouse patiowarehouse.co.za PEP Home pepstores.com Woolworths woolworths.co.za Yuppiechef yuppiechef.com…

Vier ons eie erfenis met ’n Oosterse kinkel by East City Grill in Harringtonstraat 84, Kaapstad. Dit is beslis g’n gewone steakhouse nie! Die wagyu, wat plaaslik verkry word, sal vleiseters behoorlik laat kwyl (moenie die boerewors en Tartaarse steak misloop nie). En nagereg? Hoe klink Westerse gunstelinge soos panna cotta en kaaskoek gegeur met Oosterse miso, yuzu en matcha … Besoek eastcitygrill.co.za. SUURDEEG- sukses! Die Milling & Bread Baking Experience by die La Mottebakkery draai alles om suurdeeg. Dié prettige en leersame praktiese werksessie, aangebied deur die hoofbakker, Ricardo Slawers, begin by die maal van die graan en die maak van ’n suurdeegplantjie tot die vorm en bak van jou eie brood. Die kersie op die koek is ’n ontspanne middagete en ’n geskenksak met ’n varsgebakte brood, ’n…