Weg!October - November 2021的目錄

Min dinge het die samelewing in die 20ste eeu so drasties beïnvloed soos die motorkar. Dit het ekonomieë aan die brand geskop, verstedeliking versnel en die landskap onherroeplik verander. Maar waarvoor ons diep dankbaar is, is dat dit die road trip moontlik gemaak het. Want hoe ontsnap jy in die 21ste eeu die grense van jou ingeperkte bestaan? Jy klim in jou kar en ry! Deesdae is dit amper net voëls wat vlieg. As jy nie ’n seeman is nie, gaan jy nêrens heen vaar nie. As jy êrens heen wil ontsnap, moet jy of stap, fietstrap of ry (veral as jy ver wil reis). En soos julle in hierdie uitgawe sal lees, ry mense deesdae dat dit klap. Van wes na oos, noord tot suid en oor die grens…

Molslange is baie algemeen en kom wydverspreid deur Suider-Afrika voor – selfs tot op Robbeneiland! Die deursnee-molslang word sowat 1 m lank, maar in die Wes-Kaap is al menere aangetref wat taamlik lyf het en tot meer as 2 m lank is. ’n Mens kry egter nie sommer ’n molslang te sien nie. Dié spesie bring die meeste van sy tyd ondergronds in knaagdiere se tonnels deur op soek na prooi. Die molslang maak meestal op blesmolle jag (vandaar die naam), maar sal ook ander kleinerige knaagdiere vang deur die diertjie met sy skerp tande te gryp en dan te verwurg. Die slang wissel in voorkoms van donkergrys en blinkswart tot bruin skakerings. Jong molslange het prominente patrone oor die rug. Molslange is nogal gespierd met ’n klein gepunte kop…

Daar’s Sand in my Are Deur Marika du Toitvan Heerden, self uitgegee R170 by www. woordvirwoord.co.za Marika du Toit-van Heerden is ’n maatskaplike werker van Johannesburg, maar haar hart lê in dor, afgeleë plekke soos die Boesmanland, Karoo en Namibië. Dié 41 kort stories – enkele van hulle gedigte –het hulle oorsprong in haar Facebook-inskrywings en gee die leser ’n blik op die plesiere (wanneer die reën kom) en uitdagings (wanneer die reën wegbly) van die lewe op hierdie plekke. In 2004 koop haar man, Jannie, ’n plaas genaamd Holboordskolk iewers tussen Vanwyksvlei en Kenhardt en hulle besoeke aan dié stuk grond sorg vir die stories in die eerste helfte van die boek. Sy skryf veral oor die plaasmense – Solly en Sara Louw en hulle uitgebreide familie – en…

Lambert’s Bay Hotel Dubbelkamer: vanaf R1 050 p.n. met ontbyt 027 432 1126; lambertsbayhotel.co.za Melton Wold-gasteplaas Gastehuis: vanaf R720 p.p. met aandete en ontbyt. Kamp: R290 p.n. vir twee mense, R50 per ekstra persoon (slaapplek vir 6). 053 621 1912; meltonwold.co.za Royal Hotel Bethulie Dubbelkamer: vanaf R1 000 p.n. met ontbyt en aandete 071 683 7767; info@royalbethulie.co.za Mountain Shadows Hotel Dubbelkamer: vanaf R880 p.n. (R180 vir aandete; R90 vir ontbyt) 045 931 2207; mountainshadowshotel.co.za Morgan Bay Hotel Vanaf R875 p.p. met ontbyt. Hulle het gereeld spesiale aanbiedinge – hou die webruimte dop. 043 841 1062; morganbayhotel.co.za Zuurberg Mountain Village Vanaf R1 090 p.p. met ontbyt 042 233 8300; zuurbergmountainvillage.co.za Karroo Theatrical Hotel Vanaf R465 p.p. met ontbyt en vanaf R1 890 p.n. vir twee mense op Saterdae (dit sluit ’n…

RENIER LE ROUX Niko- D750 Niko- 16-35 mm-le-s RENIER VERTEL: Hierdie foto is in Juniemaand by my tuisdorp, Strand, geneem. Ek het ’n sluiterspoed van 1/80ste van ’n sekonde gebruik, met my lensopening op f5.6 en ISO 100. Ek het nie ’n driepoot gebruik nie, maar wel die lens se VR (Vibration Reduction) aangeskakel om kameraskud te verminder. Ek is afgetree en dis juis my gereelde stappies langs die see wat my weer laat belang stel in fotografie. Wanneer jy weswaarts kyk van die Strand af, sien jy Tafelberg en die Skiereiland se berge, waar wolke dikwels laatmiddag saampak. Vir my vorm die wolke minstens een derde van ’n suksesvolle sonsondergangfoto. Ek het nou al geleer dat my kans beter is op ’n mooi sonsondergang wanneer daar ’n gaping (oop…

“Ons gebruik gewoonlik twee opgehoopde eetlepels gemaalde koffie (die tekstuur moet wees soos die van tafelsout) vir een koppie water. En onthou, water is 95% van jou koppie koffie en die gehalte daarvan is dus belangrik. Jy kan gebottelde water gebruik, of water van ’n bergstroom is selfs beter, maar dis noodsaaklik om te regte temperatuur te kry.” “As jy kamp en net kampvuurwater het, skink eers kamertemperatuur water oor die gemaalde koffie om ’n flodder te maak; dan eers word die warm water bygevoeg. Dit verstadig die brouproses en verbeter die koffie-onttrekking. Laat die koffie dan nog drie tot vier minute brou. Skink ’n lekker koppie en geniet die uitsig!”…

WATERBERG COTTAGES, VAALWATER Dalk is dit die verwelkomende skadu’s van die jakarandabome, maar sommer met die inryslag by Waterberg Cottages wonder ’n mens reeds: Was ek nie al vantevore hier nie? In ’n voorlewe met ’n gans ander span vriende of familie? In Engels noem hulle dié gevoel “a sense of place”. Wanneer ’n plek perfek geleë en in harmonie met die omgewing en sy verlede is dat dit tot menige besoeker se siel spreek. Die laaste stukkie tweespoorgrondpad skuur skouers met mopanie-, maroela- en vaalbome voordat die bosveld effens oopmaak waar die opstal staan. Die laatmiddagsonnetjie vang ’n perd wat ’n hoefie stof opskop. Ek talm by die toneel en voel opnuut: Iets hier práát met my. Waterberg Cottages bied ’n plaas- en natuurervaring in die hart van die…

Andy Lawerlot Bestuurder, Suid-Kaap Verf “Ek bly my lewe lank op Riversdal. Dis ’n plekkie waar jy nog vryelik kan rondloop en nie gedurig oor jou skouer hoef te loer nie.” Johanna Swarts Afgetree “Ek is 1941 op Oakdale gebore. Ek het baie jare op die plase gewerk, en ek verlang deesdae na die plaas. Ek het ook by die Oakdale-landbouskool in die koshuis gewerk, kos gemaak vir die kinders.” Prof. Pieter en Natasha Steyn Eienaars van De Doornkraal Vinotel “Ek glo in tradisie. Dis hoekom ek teruggekom het na Riversdal en in 2003 die huis gekoop het waarin ek gebore is. My oupa was ’n wynboer hier en ek en my vrou, Natasha, het besluit om dieselfde te doen. “My groot-oupagrootjie het die plaas Doornkraal besit en dit in…

LANGS DIE N2 Ongeveer 2 km oos van die dorp is ’n kompleks met winkels en eetplekke. Die Rooi Aalwyn Padstal & Koffiepot verkoop onder meer tuisgebakte brood en pasteie, terwyl Lifestyle @ Bali Trading se Barista Café ’n uitgebreide spyskaart het – die geroosterde hoendermayobroodjie (R69) is tops. Die winkel verkoop als van dekor tot vellies en produkte uit die omgewing, soos Muiskraalolywe en Kasselshoop-kaas. Sleeping Beauty Traders, ’n geskenkwinkel, gaan jou benewel met al die opsies! Hier is ook ’n Mugg & Bean en by Baleia kan jy wyn en olyfolie koop. Waar die N2 deur die dorp loop, sien jy bekende name soos Spur, Wimpy, KFC en Ou Meul-bakkery, maar probeer ook Nibbling Squirrel (wegneemetes, of sit ’n bietjie) en Ikigai, ’n koel koffiewinkel met geroosterde toebies…

Wat bedreig paddas? Paddas neem water en suurstof deur hulle velle op. Wanneer die water waarin hulle woon vuil of vergiftig is, vrek die paddas. Sodra die paddas in ’n gebied begin minder word, kan jy weet: Die gebied word besoedel! Hulle habitat word al hoe kleiner namate dorpe en stede al hoe groter word. Die osoonlaag om die aarde wat dunner word, laat meer ultravioletbestraling deur wat die padda-eiers doodmaak. Paddas beland ook gereeld voor motors. SÓ KAN JY HELP Sluit aan by inaturalist.org. Daar is  drie groepe waar jy jou foto’s van bedreigde paddas – saam met inligting oor waar jy hulle gesien het – kan deel: Leopard Toads of the O-erberg Herps of Southern Africa AfriHerps DÍS NOU OULIK!…

Instagram: @stevewimberley Ons reis so gereeld as wat ons kan en dis altyd ’n plesier om by Stuart Quinn en sy span in die Tuliblok te kuier. Ons bespreek sy lodge eksklusief en beplan elke dag se aktiwiteite saam met Stuart. Soms neem hy ons op ’n begeleide stap veld toe, ander kere gaan ons op ’n wildrit – dit hang alles af van die weer. Stuart reël ook gewoonlik dat ons een nag iewers in die bosveld kamp. Die beddens staan dan in ’n kring om die vuur en hy bring vir ons aandete. Ons trek lootjies om te bepaal wie moet wagstaan en die vuur aan die gang hou. Dis omtrent ’n belewenis om terwyl jou vriende hier om jou lê en snork alleen na die veld se…

Sutherpiek is die hoogste punt op Karbonkelberg – die knoets wat oor Houtbaai se hawe waghou. Dis ’n rustige klim tot bo en langs die pad word stappers getrakteer op pragtige see- en berguitsigte, die koelte van ’n woudgebied en uiteenlopende plantspesies. Jy stap ook verby ’n grot, wat ’n lekker plek is vir ontbyt. Dié foto is uit die grot se bek geneem en wys die noordelike uitsig al oor die rug van die berg langs. Doer in die verte staan Leeukop, met Grootkop in die middel en Klein-Leeukop die naaste aan die lens. Ek het in die verlede van dié pieke gestap en juis daarom is die foto vir my betekenisvol.…

Hoekom wou jy graag by Weg werk? My pa, Gavin Hartney, is ’n jare lange aanhanger, en dis deur hom dat ek Weg begin lees het. Dis lekker om deur die skrywers en lesers se oë “saam te reis” na die uithoeke van ons land. Hoe ervaar jy Weg se aanlynlesers? Hulle is ’n hegte gemeenskap. Wanneer ek ’n leserbrief of -storie op Facebook deel, is daar altyd iemand wat daardie persoon tag en skryf: “Ek ken daai mens!” En ons lesers is dol oor ’n soetding! Poeding- en koekieresepte is altyd ’n wenner. Wat is jou lekkerste vakansies? Naweke weg saam met my skoolvriende, met wie ek ná amper 15 jaar steeds pêlle is! Ons speel bordspeletjies, braai, gesels tot in die oggendure en maak sommer ’n Krismiskooi in…

Venus oorheers al sedert die middel van 2021 die westelike horison as die helder Aandster. In die eerste week van November bereik die planeet letterlik sy hoogtepunt wanneer dit die hoogste draaipunt bokant die horison inneem. Vroeg in Desember is Venus ook op sy helderste. Die Aarde is terselfdertyd onverpoosd besig met sy jaarlikse omwenteling van die Son, met die gevolg dat die konstellasies gaandeweg aanskuif. Hierdie relatiewe bewegings raak meer opmerklik wanneer jy Venus se posisie aand na aand dophou wanneer dit teen die agtergrond van helder sterrebeelde verbybeweeg. In Oktober neem Venus ’n sloertoer deur die Skerpioen en in November is dit die Boogskutter se beurt. Antares, die helderste ster in die Skerpioen, is ’n goeie baken om Venus se aantog te meet waar dit van die eerste…

Live in Cape Town Deur Guy Buttery & Derek Gripper US$7 by bandcamp.com Guy Buttery en Derek Gripper is twee van ons mees begaafde kitaarspelers (Guy speel ook die sitar en mbira) en is wêreldwyd as solospelers bekend. Sy aan sy word hulle musiek pure toordery, want Derek se meer presiese, melodieuse kitaarspel word perfek deur Guy se digte, tekstuurryke styl ondersteun. Derek is die voëltjies wat op die draad sing, die laggende stemme wat teen laatmiddag in die pad afkronkel. Guy is die grondpad wat onder jou skoensole girts, die skurwe roeslagie wat oor dekades op ’n ou grensdraad kom versamel het. Die nege liedjies is perfek vir vér ry iewers waar die telefoonpale opraak, of vir saans by die huis die oë sluit terwyl die vuurtjie knetter, en…

HOEKOM? Ons plaas in elke uitgawe ’n keur van lesersfoto’s. Stuur elke maand jou drie beste foto’s vir ons. Toe, moenie skaam wees nie! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif, op ons webblad of in bemarkingsmateriaal te gebruik.…

Chakalakahoendernacho’s Vir 4 Voorbereityd -0 minute Gaarmaaktyd -5 minute Oondtemperatuur Rooster Jy benodig • 3 dik hoenderborsies, in happiegroot blokkies gesny • - eetlepel olyfolie • - blik (400 g) matige chakalaka • - blik (400 g) rooi nierbone, gedreineer • ’n hand vol vars spinasie, gekap • ¼ koppie vars koljander, gekap • 250 g nacho-skyfies • - koppie mozzarella, gerasper • - klein rooi-ui, gekap • - groot, ryp avo, in blokkies gesny Só maak jy 1 Geur die hoender goed met sout en peper en braai in die olie tot goudbruin in ’n oondvaste pan. Roer die chakalaka, bone en spinasie by en verhit tot deurwarm. Roer die koljander by en verwyder van hitte. 2 Voorverhit die oond se rooster-element. Rangskik die nacho’s in konsentriese sirkels in die geurige hoendervulsel (of rangskik in lagies in ’n oondbak…

Op ’n wegbreeknaweek op ’n boetiekdorpie vol snuisterwinkeltjies en eet- en kuierplekke kan ’n mens maklik te veel um, smul en bestee... en van jou voornemens vir ’n gesonder leefstyl vergeet. Gelukkig het die meeste dorpe ’n plaaslike reservaat of ’n koppie in die omtrek. Die kunsdorpie Napier in die Overberg is geen uitsondering nie. Op die Grootbergroete net buite die dorp kan jy jou “steps” vir die dag verdien én is jy verseker van ’n mooi uitsig oor die streek en koningsproteas so groot soos sopborde. Die roete begin by die radiomas 8 km suidoos van die dorp en dis waar ek op ’n yskoue oggend in Julie twee stapmaats, Laubscher Barnard en Divan van Zyl, ontmoet. Eers stap ons afdraande op ’n tweespoorpaadjie met landerye op linkerhand wat…

Julius Gordon Africana Centre/ Versfeld House  Dis een van die mees besonderse plattelandse museums wat ek in jare teëgekom het. Hier is artikels waaraan ma’s, pa’s én kinders hulleself sal verkyk. Waar? Langstraat 29 Oop Ma.-Vr.: 10 vm.- 3 nm. Vir Saterdae: reël vooraf met Louise du Plessis, die kurator. Toegang Skenking Kontak 066 117 7621 (Louise); louiseriversdal@gmail.com Muiskraal-olyfplaas  Op pad hierheen ry jy die Garcia-pas en kan stilhou om bene te rek by die geskiedkundige Ou Tolhuis, gebou rondom 1879. Muiskraal se bottels tafelolywe en olie is lekker geskenke teen lekker pryse: 1 liter olywe kos R67 en 1,5 liter olie kos R170. Waar? 20 km noord van die dorp Oop Ma.-Vr.: 8 vm.-4.30 nm. Kontak 072 294 1658 (Henry); edenolives@vodamail.co.za…

Nes ons die grens van Griekeland met Turkye oorsteek, tref die winter ons. Dis Desember en die middagtemperature is láág. Dit het begin sneeu! Snags daal die kwik tot rondom -4 °C en ons slaap elkeen met ’n serp én ’n mus binne-in twéé slaapsakke. Die aande is nog draaglik, maar die oggende! Om in ’n daktent te kamp het sy uitdagings: Eers moet ons die kondensasie teen die binnekant van die seil afvee voordat ons die tent wat stokstyf geys is, kan platslaan. Ons moet Kukuza, ons 2001-Hilux, met ’n gesukkel aan die gang kry sodat ons die verwarmer kan aanskakel vir ’n bietjie hitte terwyl die koffiewater kook. Die lewe kruip dan stadig terug in ons vingers, ons slimfone word aangesit en dán eers kan ons die GPS…

Dit reën katte! Ek en my man, Christo, was verlede jaar in September in die Krugerwildtuin. Die park was opvallend droog en kaal. Op die tweede dag het dit saggies begin reën. Ons was bly vir die natuur, maar was bang die weer sou ons wildkykplanne in die wiele ry. Tog blyk dit dat koel reënweer presies is waarvan luiperds hou: Ons het 11 luiperds in net 6 dae gesien! ’n Skraal sonnetjie het een middag deur die misreën gebreek en ons het op hierdie pragtige kat op die S134-pad langs die Shingwedzirivier afgekom. Hy was ons derde luiperd vir die dag en ons het hom sowat ’n uur lank dopgehou. ’n Kuslyn van klip Die roete na die ruïne van die East Fort bo Houtbaai is ’n maklike staptog…

SANParke voortaan kontantloos SANParke implementeer ’n nuwe stelsel waarmee dié groep reservate teen die einde van 2023 sonder kontant sake sal doen. Dit spruit uit die behoefte om die risiko gekoppel aan groot bedrae kontant op ’n perseel te minimaliseer. Altesame 12 van die 19 reservate (sien die kassie hieronder) het op 1 September 2021 na dié stelsel oorgeskakel en die res volg in die loop van 2022 en 2023. Toeriste sal vooraf op sanparks.org/bookings vir hulle besoek moet betaal of van die kitsbetaalpunte gebruik maak wat by die parke geïnstalleer word. Onthou dus jou bankkaart! Die nuwe betaalstelsel sal ook by alle winkels en toerisme-aktiwiteite geld. SANParke is oortuig dat dié stelsel die wagtyd by toegangshekke en toustanery tydens spitsseisoen sal beperk. – Kyra Tarr Nasionale parke wat reeds…

Valwater se naam doen dié wakker dorp geen gunste nie, want vaal is dit wraggies nie. Die laaste dekade of wat het dit ontpop as hoofkwartier van die Waterberg, met die distrik se gasteplase, privaatreservate en die deurryverkeer in die rigting van Lephalale en die Botswana-grens wat sorg vir ’n deurlopende stroom besoekers. Die Vaalwater-hotel (wat uit 1955 dateer) was ’n tyd lank toe, maar onder nuwe eienaars is hier sedert 2020 vars energie. Die falanks wit bakkies wat voor die gebou staan, getuig van al die voete wat deesdae die drumpel deurtrap. Die kakie uniforms en bokhorings teen die mure kan mense wat blou Salomons en Hurley-hemde verkies, laat huiwer. Maar wees gerus, die vier jong manne by die tafel oorkant jou dra wel almal safarihemde waarop een of…

Waaroor handel jou boek? ’n Karoodorpie met ’n ruim hart en al die avonture wat ’n mens op Prins Albert kan hê: Roetes vir stap, veldloop en fietsry, begeleide uitstappies en lekker kolle om die son te sien opkom en koffie te drink. My boek gaan oor hoe om die natuur te geniet en ’n avonturier te wees – en hoe om hope pret te hê. Ek fokus ook op hoe ’n mens met empatie en respek kan reis. Die Karoo leer jou dat die natuur nie ’n plek is wat jy besoek nie, maar eerder die grondslag is van ons lewe en hoe ons ’n bestaan maak. Respek vir mekaar, waar ons bly en die plekke wat ons besoek, asook die omgewing met al sy diere en plante is…

Enige fotograaf wat sy sout werd is, sorg dat sy toerusting beskerm word. Jy kan jou kamera en lense veilig hou in hierdie sak van seil met ’n sagte binnevoering. Een gelukkige Weg-leser kan in die volgende uitgawe só ’n sak wen. Hoe? Stuur eenvoudig jou beste reis- en natuurfoto’s na menseselense@weg.co.za – ons kies die wenner, wat dan in “Mense se Lense” gepubliseer word. Dié produk is beskikbaar by winkel.weg.co.za…

AEROPRESS GO Die oorspronklike AeroPress, die skepping van Alan Adler, ’n professor aan die Universiteit van Stanford (en ook uitvinder van die indrukwekkende Aerobie Pro-frisbee), is reeds 15 jaar met ons. Die AeroPress het reeds kultusstatus onder koffieliefhebbers wêreldwyd behaal, en aanhangers sweer hoog en laag dié eenvoudige kontrêpsie maak lekkerder koffie as enige peperduur Italiaanse masjien. My AeroPress gaan oral saam as ek reis – al slaap ek in hotelle. Dis lig, maak binne ’n minuut ’n uitstekende koppie koffie en is verspotmaklik om skoon te maak. Die nuwe Go is spesifiek gemik op stappers en kampeerders aangesien die AeroPress en al sy toebehore binne-in ’n kompakte beker pas. Alles weeg net 326 g en jy kry 350 ronde papierfiltertjies. As jy daarvan hou om ’n vuurwarm ’n koppie…

Oons reis na die noorde van Botswana begin in die Khama Rhino Sanctuary in Sentraal-Botswana waar ons die eerste nag deurbring voordat ons ry na die granietrotseiland Lekhubu vir ’n nag onder die sterre op die Makgadikgadipanne. Die volgende oggend kan dié wat vroeg opstaan, koffie en beskuit geniet onder kremetarte voordat die groep met ’n tweespoorpad vertrek al op die rand van die soutpanne om ons 4x4-vernuf te toets. Die groep geniet ’n ligte piekniekmiddagete op pad na die volgende kampterrein 30 km buite Maun. Die kampplek is langs die Botetirivier waar ons twee dae deurbring en die geleentheid kry omdie uitgestrekte Okavangodelta en sy ekostelsel te verken, asook die plaaslike markte of, as jy wil, in die kamp ontspan voor ’n laatmiddagrit op die Boteti. Ons volgende stop…

PERDRY Bespreek by die Ibalansi Horse Centre. Dis R450 p.p. vir ’n rit van 1-3 ure, afhangend van die roete. Waar? Op ’n agterpad noord van die dorp (sien kaart bo) Kontak 083 430 8987; ibalansi.com KYK KUNS Die dorp en streek is ryk aan kunstenaars. Die Hessekwa-kunsgalery is ’n passie van Jakkie Fourie, eienaar van die Central Boutique Hotel, waar die galery gesetel is. “My visie is om blootstelling te gee aan die stil mense, en hulle talent ten toon te stel,” sê sy. Waar? Hoofstraat 16 Kontak 072 731 3783 (Jakkie) KUNSKLASSE Marilise Lombard bied kunsklasse aan vir kinders in haar galery by Langstraat 4B. Koste R180 vir twee ure (materiaal ingesluit) Kontak 074 034 0352…

My kantoor is versier met skilderye van die wêreld se voorste voëlkunstenaars. Veral die een muur, wat ek toegewy het aan werke wat – myns insiens – die res oortref. Die kuns teen dié muur is almal gemengde media: vetkryte, inkleurpotlode, blinkers, stukkies macaroni... Net soos enige pa kan ek dit nie oor my hart kry om dié A4-velle – waarvan elkeen ewe deur die kunstenaar onderteken is – weg te gooi nie. Dié prentjies van my seun het ’n deurlopende tema: ’n misvormde maar nietemin herkenbare voëltjie met ’n lang, pap stert, oranje lyfie en ’n blou driehoek vir ’n kop. Reg geraai – dis die paradysvlieëvanger! Dis ook g’n wonder dat dié kalant ’n gunsteling in my kind se kunsrepertoire is nie: Vra maar enigeen – voëlkyker ofte…

Ek het die Tuliblok in Botswana die eerste keer in 2013 besoek en totaal op die streek verlief geraak. Die landskap laat jou stom, veral die deel langs die Limpoporivier waar die groot njalabome baie voëlspesies lok. Die groep universiteitsvriende saam met wie ek altyd reis, is almal ywerige voëlkykers en wildlewefotograwe. Ons bly gewoonlik by Stuart Quinn van Tuli Wilderness se Mohave-boskamp en op ’n onlangse besoek het Stuart ons een oggend op ’n begeleide stap na ’n plek genaamd Eagle Rock geneem. Ons het van die sameloop van die Limpopo- en die Motloutserivier af sowat 5km langs laasgenoemde gestap tot by dié plek waar ’n witkruisarendpaar broei. Daar het ons dadelik ’n bobbejaanmannetjie aan die een kant bo-op Eagle Rock sien sit. 1 Hoewel ons nie die res…

Dit voel asof die wêreld deesdae kulkuns doen en niemand verstaan waar die haas of duif heen verdwyn nie. Ek probeer sin maak van die situasie al is ek is nie die wakkerste akker op die dorp nie. Ek verslaap baie en byt op 29-jarige ouderdom steeds my naels, maar ek ken darem genoeg om te weet: Dinge is holderstebolder. Dis in dié pandemietye wat ons tans beleef waar die bystand van vriende en familie broodnodig is. My ouma Anne het baie vriendinne gehad, maar tannie Miems was my gunsteling. Sy het na duur parfuum en kaneel geruik. Sy en ouma het kaartgespeel en haar man, oom Pieta, was my oupa Sydney se hengelvriend. Tannie Miems het een aand om die eetkamertafel tydens ’n Desembervakansie by ouma-hulle op die plaas…