WegRyNovember 2016的目錄

Dis omtrent dieselfde ding wat elke jaar gebeur: Jy stap ongeërg deur jou plaaslike supermark en skielik sien jy die Kersversierings raak. En dan gebeur ’n paar dinge. Eerstens is jy ligweg geïrriteer met die feit dat die winkels jou al begin bombardeer met Kersfees-kitsch en geblikte Boney M-musiek. En dan, so half in konflik met jou eerste reaksie, begin jy effens opgewonde wonder wat in jou 4x4-Kerskous gaan wees, selfs al moet jy self daarvoor betaal. Een van die beste verskonings om ’n hele paar rand op jou ryding te spandeer is immers “dis Kersfees, ek verdien dit”. En laastens wonder ’n mens onwillekeurig wat presies van die jaar geword het. Dis dan al November! Hopelik het jy vanjaar al ’n hele paar uitgawes van WegRy deurgedraf sodat jy…

Kom ry kringe in die bos WAAR: Knysna WANNEER: Enige dag in Novemnber of Desember (behalwe Kersdag) WAAROM JY MOET GAAN: As jy dalk ’n draai in die Suid-Kaap of Tuinroete vir ’n vakansie maak, moet jy die kans aangryp om Bhejane 4x4 Adventures se unieke 4x4-reis deur die Knysnabos te beleef. Bhejane het ’n eksklusiewe konsessie van SANParke gekry om toere deur die bos aan te bied. Dennis Carlisle van Bhejane ken die bos soos die palm van sy hand en is ’n onuitputlike bron van bosstories. Wie weet, dalk loop julle selfs een van die misterieuse Knysna-olifante raak! Bespreek jou plek voor jy opdaag. Meer inligting: http://www.bhejane.com/ of bel 044 535 9257…

Daar is deesdae geen tekort aan luukse sportnutsvoertuie nie. Maar daar is een wat die dinge op sy kop draai, en dis die Mercedes-Benz GLS. Kyk na die laaste letter en jy sal sien dat die GLS die S-Klas van Mercedes-Benz se sportnutsvoeruie is. Maar hy’s eintlik meer. Want dis die enigste sportnutsvoertuig ter wêreld wat, afgesien van amper oordadige luuksheid en ’n baie kragtige enjin, ook oor laestrekratte, hoogteverstelbare lugvering en ’n volle sewe sitplekke beskik. Die Groot Kettie Onder die enjinkap sal jy ’n 4,7 liter-V8-enjin met twee turbo’s kry. Op papier sal jy sien dat hierdie enjin nie minder nie as 335 kW en 700 Nm ontwikkel. Maar dis eers wanneer jy die versneller met mening trap, dat jy agterkom hoe die 9-spoed-Geartronic-ratkas sy gewig van amper…

Front Runner is begin deur ’n groep avontuurlustige vriende met agtergronde in ingenieurswese, ontwerp, vervaardiging en veldwedrenne. Hulle het ’n maatskappy gestig om toerusting te bou wat nie net slim ontwerp is nie, maar ook rateltaai is. Die resultaat is Front Runner. Alles word plaaslik gebou, dus gebruik hulle Afrika se bosveld as toetsgrond vir hulle produkte. Die Front Runner-vlagskipwinkel is in Kyalami, Johannesburg. Hulle hele reeks kan aanlyn gesien word by www.frontrunner-outfitters.com. 011 466 0155, of info@frontrunner.co.za…

“Verbeel jou net...” Ek het hierdie woorde by byna elke plek van historiese waarde gehoor of gesê tydens my onlangse besoek aan die Slagvelde van KwaZulu-Natal. My verbeelding het my telkemale sowat 140 jaar in die verlede probeer terugvoer sodat ek myself kon voorstel hoe die verskriklike gebeure van die Anglo-Zoeloe-oorlog in hierdie pragtige landskap ontvou het. Ek het tonele van dapper, desperate manne in rooi jasse gesien wat teen ’n horde vreesaanjaende Zoeloekrygers te staan kom. Een weermag het vir ’n koningin geveg, die ander vir ’n koning.Vandag regeer die afstammelinge van albei nasies se koninklikes steeds, maar dit is die taaiheid van die Zoeloes en hulle opstand teen ’n oënskynlik sterker vyand wat tot vandag toe respek afdwing. En dit is presies wat ek kom soek en ondervind…

As jy nie reeds ’n aluminiumkappie op jou bakkie het nie, moes jy al gewonder het of jy nie self die groot stap moet neem nie. Want hoewel hulle nie goedkoop is nie, moet daar tog ’n hele paar goeie redes wees waarom so baie 4x4-reisigers hulle aanskaf. HOEKOM ’N KAPPIE? Behalwe vir die feit dat dit in meeste gevalle jou toerusting, kos en klere wat jy agter op jou bakkie laai sal droog hou, het ’n kappie ook ’n paar ander handige gebruike. 1 DIT KEER LANG VINGERS Die feit dat aluminiumkappies van metaal gebou word, maak dit moeiliker vir boewe om hulle lang vingers op jou slaapsak en steak te kry wanneer jy nie naby jou kamp is nie. Kappies se deure kan ook sluit en dit sal…

DIE VRAAG Ek het verlede maand se rubriek oor dubbelbatterystelsels geniet. Ek was veral geïnteresseerd in julle stelling dat ’n hoësiklusbattery dalk ’n beter keuse as ’n diepsiklusbattery is. Dit weerspreek al die ander raad wat ek tot dusver gekry het. Ek sal daarom graag meer wil uitvind oor batterykeuses en wat ek moet oorweeg wanneer ek ’n ekstra battery aankoop. DIE ANTWOORD Die verskeidenheid beskikbare batterye kan ’n mynveld van verkeerde inligting wees. Dit word vererger deur handelaars, waar verkoopsagente dikwels die fout maak om hulle topverkoper-battery vir Jan en Alleman aan te beveel. Dit is meestal ’n diepsiklusnatselbattery. Daar is ook weinig inligting beskikbaar oor hoe die batterye onder verskillende herlaaitoestande vaar. National Luna het onlangs meer as R250 000 belê in ’n groot verskeidenheid batterytoetstegnologie. Die inligting…

MAAK WILDSVLEIS MAK LEKKER & VINNIG: WILDSVLEIS SAAMGESTEL DEUR TANIA DE KOCK UITGEWER: LAPA PRYS: R55 Die name van die resepte in Lekker & Vinnig: Wildsvleis is al klaar genoeg om jou mond te laat water: Stadig gebakte wildsbraaistuk met appels, gemarineerde wildslende met ’n pikante bosbessiesous, wildslende toegedraai in spek. Héérlik. Hierdie resepteboek is nog een in Lapa se suksesvolle Lekker & Vinnigreeks, ’n versameling kookboeke wat presies bied wat die titel beloof – smaaklike en maklike resepte vir die huis- en kampkombuis. Die boek is ook net sowat 50 bladsye dik en pas maklik in die kombuiskrat tussen die eiers en die langlewe-melk. Behalwe vir ’n springbok-, koedoe en vlakvarkgereg, is die meeste van die resepte nie vir ’n spesifieke vleissoort geskryf nie, dus kan jy hulle met…

“Braai altyd steak op sy eie, want dit het báie hitte nodig. Skaaptjops, boerewors en varknektjops kan saam gebraai word oor matiger hitte. Vis moet ook op sy eie gebraai word, want jy braai dit langer aan die skubkant as aan die vleiskant. Moenie steaks en wors saam braai nie – dan skeep jy die een af en sal nie een van die twee sy potensiaal bereik nie.” 1 HIER IS JAN BRAAI SE GUNSTELINGMANIERE OM DIE VOLGENDE VOOR TE SIT: • SKAAPVLEIS – “Ek is mal oor kerriesosaties.” • HOENDER – “Ek braai heelstukke en smeer ’n bedruipsous oor wanneer dit al amper gaar is. Of ek maak ’n lekker potjie.” • VARK – “Ek verkies ribbetjies. Maak hulle goed gaar en sny in stukke. Bedruip dit met ’n…

HENDRIK GERBER LESERSTORIE ( BL. 50 ) Hendrik Gerber en sy vrou, Daleen, het saam met sy broer Johan en sý vrou, Koekie, ’n toer van 42 dae na Botswana en Zimbabwe aangepak. Wat is jou eerste toerherinnering? Ek was seker net in die skool, toe ons gesin een Sondag met ’n vragmotor vir vriende van my pa in die Kougaberge gaan kuier het. ’n Vierton-trok is nie juis die ideale voertuig vir die langpad nie, maar ry het ons gery! Die lekkerste plek? As ek ’n enkele plek móét uitsonder, is dit Manapoele. Die rustigheid, en om op die wal van die Zambezi te kamp met seekoeie enkele meters weg in die water, is besonders. Toer jy blindelings, of beplan jy jou reis? Ek hou van beplanning, want dis…

Ek word dikwels daaraan herinner dat hoe hoe meer dinge verander, hoe meer bly hulle dieselfde. Soos die debat oor outomatiese ratkaste versus handratkaste vir 4x4’s. Almal is dit eens dat die regte toerusting baie belangrik is vir veldry, veral as jy moeilike hindernisse wil baasraak. Die verkeerde rat kan jou laat vasval. Dit kan ook die verskil beteken tussen die veilige en beheerde klim van ’n steilte, of ’n rampspoedige glyery ondertoe. Maar is die een ratkas regtig beter as ’n ander? Jy moet vat wat jy kry Toe ek my 4x4 gekies het – ’n Toyota FJ Cruiser – het ek nie ratkas-opsies gehad nie, want die FJ word nét met die outomatiese ratkas in Suid-Afrika verkoop. Maar om eerlik te wees, ek sou die outomatiese ratkas in…

ONDER DIE ENJINKAP Enjin: 4 663 cc agt silinder, petrol, dubbelturbo Krag: 335 kW @ 5 250 r/min Wringkrag: 700 Nm @ 1 800 r/min Transmissie: 9 gang outomaties Topsnelheid: 250 km/h (elektronies beperk) 0-100km/h: 5,3 sek Brandstofverbruik: 11,4 liter/100 km (kug kug) VELDRY-INLIGTING Onderstel: Buisromp Aandrywing: Voltydse vierwielaandrywing Vering: Onafhanklike, hoogtever stelbare lugvering Bande: 295/40 R21 Brandstoftenk: 100 liter Grondvryhoogte: 306 mm (op maksimum verstelling) Dompeldiepte: 600 mm Gewig: 2 445 kg EIENAARSKAP Diensinterval: Bepaal deur die rekenaar Diensplan: 6 jaar/100 000 km Waarborg: 2 jaar/Onbeperkte afstand Prys: R1 470 400…

JOHN ROOTH Australiese 4x4-legende GROOTSTE VERRASSING? Die Kia. Ek kon nie glo hoe stewig en stil hy op die sinkplaatpad was nie. Ek’s nie verbaas die Kalahari het sy standaard, tweelaag-sywand-bande en sy sogenaamde onderstelbeskerming opgevreet nie. GROOTSTE TELEURSTELLING? Al twee die Pajero’s. Dié twee se kajuite het geskud dat jou tande klap. Ek besef die Front Runner-span het die ergste sinkplaatpaaie gekies om hulle produkte te toets, maar dit smaak my die Pajero raak effe oud vir die rowwe dinge? JOU GUNSTELING? Ek glo al lankal hulle het eintlik in 1945 opgehou om betroubare Jeeps te bou. Daarom is dit moeilik om te erken die Jeep was my gunstelingvoertuig op die toer. Die Wrangler het doelgemaakte veldryvering en -bande, ’n fris wenas en goeie Front Runnerveldry-onderdele. In Australië mag…

1 ISANDLWANA 22 Januarie 1879: Met dié berugte slagveld het die Britte die Zoeloes se mag erg onderskat en sleg tweede gekom. Die bekende Zoeloe taktiek van die horings van die bul formasie het daartoe gelei dat die Britte meer as 1 300 uit 1 837 manskappe verloor het. Die Zoeloes het net meer as 1 000 uit 20 000 krygers verloor. 2 RORKE’S DRIFT 22 Januarie 1879: Aange spoor deur hulle oorwinning by Isandlwana, het ’n gedeelte van die Zoeloemag ’n aanval op Rorke’s Drift uitgevoer. ’n Klein Britse mag van 137 was egter die aanval te wagte en het hierdie sendeling stasie kom versterk. Die stryd het die hele nag geduur, maar die Britte kon die 4 000 Zoeloes afweer. 3 HLOBANE 28 Maart 1879: Die Britte het…

Doen goeie voorbereiding en navorsing (oor verblyf, grensposte, afstande ens.) sodat jy weet wat om te verwag. Ons ouer mense hou mos nie altyd van verrassings nie. Vat dit rustig. Dis ’n vakansie, nie ’n resies na die eindpunt nie. Ken jou vermoëns en vaardighede. Beplan daar rondom en tree binne dit op. Daar is dikwels iemand in ’n kamp wat die volgende dag dieselfde roete as jy gaan ry. As dit ’n moeilike roete is, vra hulle om in ’n konvooi te ry.…

In die Julie-uitgawe (WegRy #84) het ek meer vertel oor wielbalansering en gewaarsku dat groter, swaarder bande dikwels moeiliker (en duurder) is om te balanseer. Dit laat ’n interessante vraag ontstaan, naamlik hoeveel dit kos om groter bande op jou voertuig te laat sit. Wel, soos hulle sê: Die hart het sy redes waarvan die rede niks verstaan nie. En as jy eers jou hart op groter bande gesit het, gaan geen logiese argument jou daarvan laat afsien nie. Wanneer mense groter bande oorweeg, is hoër brandstofverbruik dikwels hulle grootste bekommernis. Maar dis soos om kinders te kry en jou net te bekommer oor die prys van weggooidoeke. Die eintlike uitgawes lê in die modifikasies wat groter bande noodsaak. Ek sal my eie verhaal as voorbeeld gebruik … Eendag lank,…

Ek en ’n kameraspan van die destydse SAUKTV was een jaar besig met opnames vir ’n dokumentêre program genaamd Anderkant elders. Daai dae het die weerberig op SAUK-kanale geëindig met: “Elders, mooiweer en warm.” Ek wou vir die kykers wys hoe dit nou eintlik lyk daar in die “elders” waarvan daar altyd gepraat word. En die wêreld anderkant Askham en Mier is sowaar “elders”. Ek het vir ene Frans, ’n spoorsnyer, op ’n vorige besoek aan die destydse Kalahari-Gemsbokpark ontmoet en was beïndruk met al sy stories van aangesigtot-aangesig-ontmoetings met leeus en luiperds. Volgens Frans was dit ’n doodnatuurlike deel van ’n spoorsnyer se lewe in die veld. “Meneer moet net een ding onthou,” het hy vertel. “As jy hardloop, is jy dood. Al wat help is om botstil te…

IN NOVEMBER WILDEBEES-4X4-UITDAGING Waar: Vaatjie Farm, Ou Trek-pad, Wes-Kaap Wanneer: 5 November Waarom jy moet gaan: Dis deel van ’n reeks 4x4-uitdagings wat deur die loop van die jaar aangebied word, en waarin jy in verskillende kategorieë kan deelneem. Daar is klasse vir feitlik enigiets op wiele – ook sedans en pypkarre. As die inskryfvorm verklaar “valhelms is verpligtend”, weet jy dit is nie ’n piekniek nie. Meer inligting: www.4x4wcc.co.za VAAL MUD-FEES Waar: Oosthuizenshengel-en-vakansieoord, Vanderbijlpark, Gauteng Wanneer: 4-6 November Waarom jy moet gaan: Die fees is ingestel op buitelewe-entoesiaste en 4x4-ryers, en beloof pret vir die hele gesin. Jou gesin kan die kinderspeelplek, biertent en musiekverhoog geniet terwyl jy met jou ryding in die modder gaan speel! Daar is 22 verskillende 4x4-hindernisse met lekker pryse op die spel. As jy…

Dr. Chris Sevenster, ’n Pretoriase ginekoloog, ereveldwagter en lid van die veldwagterorganisasie die GRAA, het ’n paar sterk woorde teen die onverskillige gebruik van ’n kettie in die veld. Hy maan: Dit is ’n oortreding om diere, plante of selfs bome op enige wyse te beskadig, ondanks in watter land jy is; ’n Besering wat ’n dier mag oorkom weens ’n kettieskoot, of dit ’n hiëna, aap of bobbejaan is, maak dit ’n maklike prooi. Nog erger, as dit ’n wyfie met kleintjies is en jy het haar bek of oog beseer, kan sy dalk nie behoorlik na daai kleintjies omsien nie; ’n Kettieskoot kan sekere diere aanmoedig om meer aggressief jeens mense te raak.…

Foton het pas die Granite, ’n spesiale weergawe van sy Tunland-bakkie, beskend gestel. Die Granite, wat net as ’n 4x2 beskikbaar gaan wees, sal herken kan word aan sy swart bykomstighede. Kopers sal egter ’n keuse tussen wit of silwer as verfkleur hê. Die interessante deel is sy mededingende prys van R329 995, wat ’n 5-jaar/150 000 km waarborg insluit. Die Tunland word aangedryf deur ’n Amerikaanse Cummins-ISF-enjin wat ons in die verlede al onder hande gehad het en wat ons glo niks mee skort nie. En hoewel sy verrigting van 120 kW en 360 Nm tans dalk nie klasleidend is nie, moet jy in gedagte hou dat dit meer wringkrag lewer as die 3.0 D-4D van die ou Hilux. Hoewel die enjin aan Euro IV-vereistes voldoen, kan dit steeds…

ONDER DIE ENJINKAP Enjin: 2 198 cc vier silinder, dieselturbo Krag: 118 kW @ 3 700 r/min Wringkrag: 385 Nm @ 1 500 2 500 r/min Transmissie: 6 gang outomaties Topsnelheid: 175 km/h 0-100km/h: nie beskikbaar Brandstofverbruik: 8,3 liter/100 km VELDRY-INLIGTING Onderstel: Leerraam onderstel Aandrywing: Deeltydse vierwiel aandrywing, agterste ewenaarslot Vering: Onafhanklik voor, vaste as met bladvere agter Bande: 255/70R16 Brandstoftenk: 80 liter Grondvryhoogte: 237 mm Dompeldiepte: 800 mm Gewig: 2 079 kg EIENAARSKAP Diensinterval: 20 000 km Diensplan: 5 jaar/100 000 km Waarborg: 4 jaar/120 000 km Prys: R517 900…

JOHN ROOTH, in Australië beter bekend as “Roothy”, is al dekades lank in die 4x4-bedryf betrokke. Op sy bos-CV sal jy goed kry soos toergids, werktuigkundige, prospekteerder, joernalis, redakteur en uitgewer vir ’n paar van sy land se vooraanstaande 4x4-publikasies. Roothy en sy ewe ikoniese Toyota 40-reeks, genaamd Milo, het bekendheid verwerf met ’n DVD-reeks oor veldry, Roothy’s Low Range. Hy het ook al sy eie bos-kookboeke uitgegee, lewer gereeld praatjies by handelsuitstallings en is ’n ambassadeur vir die buitelugleefstyl vir die drukgroep Unlock Australia. Ons het ’n onderhoud met hom gevoer om te hoor wat sy ratte laat draai. Q Jy was al vantevore in Suid-Afrika, maar hierdie was jou eerste keer in die Kalahari. Hoe was dit? Die dele wat ek gesien het, het my baie aan die…

Reis deur drie lande! Gaan saam met Bhejane 4x4 Adventures, WegRyse toervennoot, op ’n uitgebreide ekspedisietoer deur die Krugerwildtuin, Swaziland en langs die kus van Mosambiek. DAG 1 On- kom by die Orpen-hek in die Krugerwildtuin bymekaar en bly in ’n private kamp vir die volgende 2 nagte. DAG 2 On- ry ’n private 4x4-roete en geniet ’n middagete aan die einde daarvan. Daarna i- die middag joune om die wildtuin -e openbare paaie te verken. DAG 3 Vandag pak on- die wildtuin behoorlik. Jy kan die gid- na on- kamp in die -uide van die park volg of eer- die park verken en later kom af-aal. DAG 4 On- doen ’n oggendwildrit en verlaat die park deur Malelane-hek. On- doen ’n bietjie inkopie- in Malelane, gooi brand-tof in en…

OP DIE ROETE Hoe lank is die roete? 30 km Hoe lank sal ek ry? 3 tot 4 uur Maksimum getal voertuie? Nie van toepassing nie. Kry ek ’n kaart? Ja. Sal my voertuig gekrap word? Nee Moet ek die treeplanke afhaal? Net as jy die erg moeilike dele wil aandurf. Is daar ’n kompressor beskikbaar of moet ek een saamneem? Pak jou eie in. Kan ons langs die pad braai? Nee, dit skep ’n brandgevaar vir die sensitiewe fynbosomgewing. Kan ek die gesin saamneem? Ja. Net vir die dag of vir die naweek? Dis ’n lekker dag uitstappie. Is daar ablusiegeriewe vir dagbesoekers? Ja, by die Grabouw Country Club op dieselfde eiendom. Sal ek wild sien? Hier en daar ’n duiker en ’n steenbok. RONDOM DIE ROETE Beste tyd…

Jy gaan die een of ander tyd in jou kampplek staan en wens jy het ’n draagbare 12V-kampyskas gehad. Maar teen ’n koste van sowat R10 000, is die kans goed dat jou kampyskas meer as die een in jou kombuis gaan kos! ’n Ordentlike kampyskas kan ook vyf keer meer as ’n goeie koelboks kos. Dit laat die vraag ontstaan: Is ’n kampyskas régtig die moeite werd? Of kan jy daarsonder klaarkom? Hier is ’n paar dinge wat jy moet oorweeg voor jy die vraag antwoord. 1 DIE YS IS GEBREEK Wat motiveer mense om ’n duur kampyskas te koop? In die meeste gevalle, die volgende: Jy sukkel nie meer met gesmelte ys nie ’n Verstelbare temperatuurbeheer Die vermoë om langer te kan kamp Die vryheid om afgeleë plekke…

BEESFILET MET SAMPIOEN-RISOTTO Filet is die sagste snit en maklik om in dik stukke te braai, maar filet kort ’n maatjie op die bord. Ons dink sampioen-risotto sal perfek wees. BESTANDDELE (Vir 4 mense) 1 kg beesfilet VIR DIE RISOTTO 1 doppie olyfolie 1 klontjie botter 1 ui, fyngekap 2 knoffelhuisies, gekneus en fyngekap 1 koppie Arborio-rys 500 g sampioene, fyngekap (meng knopie-, bruin en portabellinisampioene) 1 koppie witwyn 4 koppies hoenderaftreksel 1 koppie parmesaankaas (of pecorino) Vars tiemie (opsioneel, vir garnering) Vars gemaalde sout en peper SÓ MAAK JY Maak ’n groot vuur en begin met die risotto. Verhit die olie en botter in ’n gietysterpot en braai die uie ’n paar minute. Voeg nou die knoffel en rys by, en roerbraai ’n minuut of twee sodat al die…