WegRyJanuary/February 2016的目錄

Jy ken seker daai “O gaats, wat nou?”-gevoel wanneer iets iewers in ’n afgeleë plek skeefloop? Wel, indien nie, het jy nog nie genoeg gereis nie. Ek het op ’n slag anderkant Askham saam met ’n man in sy Hilux op pad Upington toe gery. Toe ons verby die afdraai na Askham ry, het ek vinnig na die brandstofnaald geloer en gesien dat dit ongeveer by die halfpadmerk gelê het. En dat die man lekker teen 130 km/h aangesuiker het met ’n swaar sleepwa agter ons. Ek het ook geweet dat Upington nog minstens 180 km verder was. Ek kon nie verstaan waarom hy verby Askham se brandstofpompe gery het nie, want tussen ons en Upington was daar níks. In ’n stadium het ek half subtiel oor die brandstofkwessie begin…

Ons was onlangs by Jongensfontein naby Stilbaai in die Wes-Kaap. Tydens een laatmiddagstappie het ons op ’n vleirot afgekom wat doodstil in die paadjie voor ons gesit het. Dit was eers met nadere ondersoek dat ons die pofadder gewaar wat roerloos langs die paadjie lê. Die rot het nog gelewe, maar kon nie roer nie en is waarskynlik kort tevore deur die slang gebyt. Ná ongeveer 10 minute het die pofadder stadig na die agterste deel van die rot beweeg, met sy neus teen die rot gedruk en sy tong oor die prooi gestreel, seker om te bevestig dat die rot nie meer kon byt nie. Hierna het die slang na voor geseil en die rot begin insluk. Die rot was steeds lewend en sy asemhalingsbewegings het eers opgehou nadat…

Ek is ’n groot 4x4-entoesias en ek ry met ’n baie bekwame 4x4. Dis heerlik om moeilike terrein kaf te draf in my goed toegeruste FJ Cruiser. Maar dis ook my alledaagse ryding vir werk en winkel toe ry en, as ek nou baie eerlik moet wees, dís nie so lekker nie. Ek wens dikwels in die verkeer dat ek iets “sagters” bestuur het. Ek gaan binnekort my vrou se Fortuner met ’n sagte veldryer vervang, en met die oorvloed beskikbare keuses, is daar ’n paar dinge om te onthou. Is hoër beter? Ek het in Augustus (WegRy #74) in hierdie rubriek aandag gegee aan die probleme rondom die veringopknapping van sagte veldryers of vierwielaangedrewe sportnutsvoertuie. My rubriek het heelwat kommentaar gekry, baie daarvan negatief. Baie mense was nie in…

1 JY MOET JOU WENAS MINSTENS ELKE TWEEDE MAAND GEBRUIK – al is dit net in jou oprit. Die wenas moet warm word sodat die olie kan sirkuleer en die klammig heid kan verdwyn. As jy nie die wenas gebruik nie, gaan dit probleme begin gee. 2 WENASSE HET AL DIE SMEERMIDDELS WAT DIT NODIG HET, daarom hoef jy nie die olie of ghries te vervang nie. ’n Bietjie Q20 of WD40 elke nou en dan sal die vog weghou, die lewensduur van die wenas verleng en seker maak dat dit in ’n wer kende toestand bly. 3 JOU 4X4 SE BATTERY IS DIE WENAS SE LEWENSAAR. Sorg dat jy swaardienskabels gebruik, en dat die batterypole en kon neksies in ’n goeie toestand is en styf pas – maar nie…

Dit het laat een aand begin met ’n flenters kaart van Oos-Afrika uit 1920 terwyl ek eintlik moes swot. Die opgevoude kaart was ’n inlas uit die boek Heia Safari, wat vir die grootste deel van 30 jaar in ’n skoenboks gelê het, saam met ’n klompie ander boeke van my oorlede oupa. ’n Rooi lyn wat soos ’n dronk slang deur dele van Mosambiek,Tanzanië en Zambië kronkel, het my aandag getrek. Dit vertel die storie van die Duitse generaal Paul von Lettow-Vorbeck en sy Schutztruppe (letterlik: beskermingsmagte) wat 100 jaar gelede die Britse, Portugese en Belgiese leërs raadop gehad het. Twee maande later stoom ek, my vriend Gericke Conradie en my 24 jaar oue Hilux noord op die Estrada Nacional 1. Binne vyf dae is ons op langs die…

NIKON VS. CANON? As ek ’n baksteen gekry het vir elke keer wat iemand my vra: “Wat’s die beste kamera, Nikon of Canon?” het ek nou al ’n dubbelverdiepinghuis gebou! As jy gedink het ’n Toyota versus Land Rovergesprek kan hittig raak, begin ’n gesprek oor Nikon versus Canon op ’n fotografiesafari en kyk hoe die vonke spat. Maar maak dit regtig saak of jy ’n Nikon of ’n Canon koop? As jy my vra, nee. Solank jy net een van die twee koop. As dit by tegnologie, boukwaliteit en gebruikersvriendelikheid kom, is albei van hulle puik. Dis belangriker dat jy die regte model kamera koop, m.a.w. een wat reg is vir jou fotografiese doelwitte én jou begroting. TWEEDEHANDS VS. NUUT? Ek is skrikkerig vir tweedehandse toerusting, nie omdat ek…

Hoekom pak ons ons rygoed en verkas die vreemde in? Dis nie eers ’n nuwe verskynsel nie. Dink maar aan die Groot Trek. Geen GPS’e, laaistelsels, kampvrieskaste, sonpanele of DVD-spelers vir die kinders agterin nie. En as jou ryding gebreek het of jou osse het siek geraak, moes jy self sien kom klaar. Nêrens kon jy vinnig vir ’n koue bier stilhou as die son die witwarm waks uit jou en jou wa gebrand het nie. Daar was geen padstalletjies waar jou beter helfte na goetertjies en k*k kon kyk nie. Geen Wimpy of KFC as jy begin moeg raak het vir die gekookte eiers en droë frikadelle nie. Dis nou as jy in die eerste plek so gelukkig was om blou eiers en droë frikadelle in die wakis te…

Jaco Kirsten Ek is verleë om dit te erken, maar sedert my dienspligdae in 1988 was ek nog nie weer in die Kaokoland nie. Ek sal graag weer die pad tot op Swartbooisdrif wil ry (maar nie weer agterin ’n Buffel nie). Ons het daar skelm in die Kunene geswem, ten spyte van waarskuwings oor die krokodille. As jy 19 is, steur jy jou mos nie aan waarskuwings nie! Ek sal ook die ou basis by Ehomba wil besoek. Op Google Earth lyk dit na ’n nedersetting met ’n kraal en ek sal vra of ek daar kan kamp. Meer as 27 jaar later sal dit die voltooiing van ’n interessante sirkel wees. Gerda Engelbrecht Ek wil graag vanjaar die wildebeesmigrasie sien. Dis ’n ou droom van my om dit…

Ek het in April die 2015-Amarok-4x2-dielselmodel met 8 spoed- outomatiese ratkas gekoop. Die artikel “Agt ratte in ons Amarok” (WegRy #76) oor die 4motion-model skep die indruk dat dit eintlik ’n sagte 4x4 is. Ek sê dit omdat ek voorheen ’n 2007 BMW X3-diesel 3 liter gehad het. Die model het ’n sessilinder-enjin en 6 spoed- outomatiese ratkas gehad, wat 160 kW en 500 Nm wringkrag kon ontwikkel. Daarteenoor lewer die Amarok 132 kW en 420 Nm wringkrag. Kyk net hoe het tegnologie verbeter! Nou kan jy met ’n 2 liter-enjin byna net soveel krag as met ’n ou 3 liter-enjin ontwikkel. Ek wil egter byvoeg, en hieroor gaan ek dalk ’n pak slae kry, die BMW het sy krag in skopgrawe gelewer, teenoor die Amarok wat syne in tuingrawe…

JOHANN GROENEWALD van Tracks4Africa reis die vasteland plat agter roetes aan, soms heeltemal alleen. Hier is sy raad: Skep ’n noodlêer met al die belangrike inligting waaraan jy kan dink: mediese fonds-en versekeringsnommers, paspoortnommers en afdrukke, nood- en SOS-nommers tuis. Een van die grootste probleme is dat jy nie noodnommers byderhand het wanneer jy hulle nodig het nie. Ek skryf ook almal in my groep se allergieë en mediese toestande neer. As ’n ou eers ’n allergiese reaksie het, kan hy dalk nie meer praat om te sê wat verkeerd is nie. Kies ’n noodvriend tuis, iemand wat jy weet meestal op kantoor of minstens naby die foon sal wees. Die persoon moet al jou besonderhede, roeteplan, kaarte en bestemmings hê. Ek was onlangs ’n noodvriend vir ’n vennoot op…

As jy party mense om die braaivuur moet glo, is ’n hoogligdomkrag en ’n kinetiese tou die heel eerste goed wat jy vir jou 4x4 moet koop. Maar moenie altyd glo wat jou vriende jou vertel nie. Ons het by ’n klomp kenners in die 4x4-bedryf om raad gaan aanklop, want hulle verkoop en gebruik self ’n rits veldryprodukte. Ons weet almal gebruik nie hulle rygoed vir dieselfde doeleindes nie – party ouens toer ver, ander ry naweke in die duine of êrens op ’n hindernisbaan. Daarom het ons twee lyste saamgestel, een met die toerusting wat ’n ekspedisievoertuig moet hê, die ander vir ’n voertuig wat elke naweek rowwe roetes moet baasraak. Hier is ons kenners se lys van die eerste vyf goed om jou ryding reg te kry.…

Christian Schlotfeldt wen ’n Mad Rhino MRO-6060 10” 60w Black Edition-ligstaaf ter waarde van R2540. MRO het ’n volledige reeks LED-ligte vir verskeie toepassings, wat boonop vir twee jaar gewaarborg is. Opposite Lock is die eksklusiewe verspreider van Mad Rhino-LED-ligte. Opposite Lock verkoop bekroonde 4x4-bykomstighede en -toerusting, wat insluit Tough Dog-suspensiestelsels, Lightforce-kolligte, OL-buffers, VRS-wenasse, herwinningstoerusting WEGRY JANUARIE en -FEBRUARIE baie meer 2016 71 .…

Pak jou kamera, ’n kampstoel en jou avontuurlus en kom saam met WegRy en Mpafa Travel op ’n fototoer deur Botswana! In samewerking met Bhejane/Mpafa gaan ons van 8 tot 18 April 2016 op ’n epiese fotoreis deur Botswana en die Caprivi. Jy gaan die Okavangodelta, die Makgadikgadipanne, die Caprivi, Chobe én die Victoriawaterval sien. Boonop sal Weg se fotoredakteur, Shelley Christians, deurentyd aan jou sy wees om jou fotoneemvaardighede na die volgende vlak te neem. Met Shelley se persoonlike aandag en Mpafa/Bhejane se ervare begeleiding, gaan jy dié land op ’n unieke manier beleef. DÍS WAT JY MOET WEET Hoe lank? 11 dae, 10 nagte. Wanneer? 8-18 April 2016. Waarvandaan vertrek die toer? Die Nata-lodge-kampplek, Botswana. Waar gaan ek slaap? Almal bly in tente. Prys R12 650 p.p. DIE…

Of jy nou in die Bosveld, die jagveld, die berge of by die see is, min dinge sê vakansie soos ’n luilekker ontbyt om die kampvuur met niks wat jou aanjaag nie. En alhoewel spek en eiers ’n wenner kan wees, is daar soveel ander lekkernye wat ’n mens om die kampvuur kan maak om die dag behoorlik mee af te skop. MEKSIKAANSE ONTBYT Daar is ’n rede hoekom die Meksikane sulke opgewekte mense is – hulle kry elke oggend van dié kos in. BESTANDDELE (vir 4 porsies) 1 koppie fyn gesnipperde uie 1 groen soetrissie, fyn gekap 2 chorizo-worse, in 1cm-stukke gesny 4 middelslag-tamaties, geskil en in blokkies gesny 1 brandrissie (opsioneel) 1 teelepel fyn knoffel 1 teelepel origanum 2 eetlepels tamatiepasta 1 teelepel fyn komyn Sout en peper…

WAT HET DIE WIEL LAAT WEGHOL? Marthella se brief “Samaritane in Namibië” (WegRy #75) is interessant. Die belangrike vraag vir ons Fortuner- en ander WegRyers, is: Wat het veroorsaak dat die wiel weggehardloop het? Klink en lyk volgens die foto of iemand die wiel opgesit het en vergeet het om die boute behoorlik vas te draai. Indien wel, sou dit ’n gevaarlike fout wees. Die behulpsaamheid van die Namibiërs is kenmerkend, maar Gobabis Toyota se noodnommer moet darem altyd werk. CONNIE MARAIS PRETORIA WENS BUITELANDERS KAN 4X4-OPLEIDING KRY Ek gee nie om dat die wêreld se besoekers ons land plattrap nie. Daar is ’n groot klomp van hulle wat hier kom 4x4 ry. Hulle huur volgepakte voertuie en dan vat hulle die pad na al die mooiste bestemmings in Suider-Afrika.…

Toe ek gevra is om oor antibiotika te skryf, het ek amper in my Jeep geklim en liewer ’n paar draaie in die duine gaan ry. Antibiotika is ’n ingewikkelde mediese saak waaroor jy handboeke kan skryf. Jy sal baie breë-spektrum-antibiotika op bosveldsafari’s teëkom. Maar om dit vir enigiets te drink is presies dieselfde as wat jy met ’n seer keel na jou huisdokter gaan. Dis nie net dom nie, dis ook gevaarlik! Kom ons kyk wat antibiotika presies is, en waarvoor dit gebruik word. Bakterie-bevegter Antibiotika maak nie virusse dood nie. Die meeste lugweginfeksies, soos verkoue en griep, word deur virusse veroorsaak. Antibiotika sal dus niks daaraan doen nie. Antibiotika is ontwikkel om infeksies of siektes te behandel wat deur bakterieë veroorsaak word, wat lugwegsiektes soos longontsteking en kinkhoes…

KOOS MOORCROFT is die eienaar van Africa Bushcraft and Survival Adventures, asook ’n oud-spesmagte-soldaat en -instrukteur. Hy het al talle oorlewingskursusse aangebied en saam met die Voetspore-span getoer. Koos stem saam met Johann dat beplanning en voorbereiding jou belangrikste wapens is. “Dis 90% van ’n veilige toer,” sê hy. “Maar sou dit gebeur dat jy vasval, jou voertuig rol en iemand beseer, of diep in die bos gaan staan, stel hy voor jy onthou die Engelse afkorting “S.U.R.V.I.V.A.L.”: “ Size up your situation: Bekyk jou situasie objektief. Hoe’t jy hier gekom? Wat is die skade en die toedrag van sake? Só kry jy dadelik die ratte aan die draai om aan oplossings te begin dink. Use your senses: Kyk watse hulpbronne jy in en om jou voertuig het, luister vir…

Enjin: 4,5 liter V8, dubbel turbo diesel Krag: 173 kW @ 3200r/min Wringkrag: 615 Nm @ 1 800 2 200 r/min Topsnelheid: 210 km/h 0-100km/h: 8,9 sek Brandstofverbruik: 10,3 liter/100 km (seker as jy baie stadig ry) Brandstoftenk: 93 liter + 45 liter Transmissie: 6 gang outomaties, voltydse vierwiel aandrywing, hoë en laestrek Onderstel: Leerraam Vering: Onafhanklik voor, vaste as met kronkelvere agter Bande: 285/65R17 Grondvryhoogte: 230 mm Dompeldiepte: 700 mm Gewig: 2 740 kg Diensinterval: 10 000 km Diensplan: 5 jaar/90 000 km Waarborg: 3 jaar/100 000 km Prys: R850 000…

1 LAAT JOU VROU 4X4-OPLEIDING KRY Het jy al ooit gewonder wat sal gebeur as jy tydens ’n reis beseer word en nie meer jou eie voertuig kan bestuur nie? Dit maak sin om seker te maak dat jy nie die enigste een is wat weet hoe en wanneer om die diff-lockte gebruik of hoe om veilig met enjinremming teen ’n steil afdraande af te ry nie. 2 BEWYS IEMAND ’N VOORUITGUNS! Het jy enige 4x4- of kampeertoerusting wat by die huis rondlê en in jou pad is? Hoekom gee jy dit nie weg vir iemand wat dit nodig het nie? Die Engelse praat van paying it forward. Met ander woorde, jy help iemand anders sónder dat jy iets in ruil daarvoor wil hê. Die eintlike beloning lê in die…

DIE VRAAG Ek het omtrent ’n jaar gelede ’n T-Maxwenas gekoop. Ek het die wenas aanvanklik dikwels gebruik – nie omdat ek dit nodig gehad het nie, maar omdat ek dit wou leer ken. Die afgelope 10 maande het ek dit glad nie gebruik nie, en nou begin ek bekommerd raak daaroor. Die wenas werk nog goed, maar ek beplan ’n reis na Moremi en wil seker maak dit laat my nie in die steek nie. Hoe diens ek die wenas om seker te maak dis 100% reg vir Botswana? DIE ANTWOORD DIE 4WD TRUCKIN’ COMPANY ANTWOORD: Wenasse is gewoonlik taai, daarom sal ons jou aanraai om nie met iets te peuter wat werk nie. Maar jy is met reg bekommerd. ’n Wenas moet soos enige motoronderdeel onderhou word. Wenasse…

DATUMS: 21 tot 29 Mei 2016 KOSTE: R10 650 per persoon en halfprys vir kinders onder 10. DIE PRYS SLUIT IN Slaapplek in tente vir 8 nagte Alle kamp- en toegangsgeld by reservate Alle geadverteerde aktiwiteite Drie maaltye per dag, tee en koffie Professionele gids Radiokommunikasie tussen voertuie. JY VOORSIEN: ’n Viertrekvoertuig met goeie grondvryhoogte en ’n laestrekratkas, en jou eie brandstof Kampstoele Drankies en snoepgoed vir tussenin Jou eie beddegoed en/of kampbed en matras.…

Die duine aan die weskus van Namibië is van die hoogste ter wêreld. Wanneer jy in dié landskap ry, met ’n ikoon soos Duin 7 in jou spieëls, voel dit kompleet of ’n kaalkop Charlize Theron enige oomblik agter ’n duin uit die fliek Mad Max: Fury Road aangejaag gaan kom. As jy dus op soek is na jou eie duine-avontuur waar jy soos ’n filmster kan rondjaag, maar darem teen vanaand weer in ’n gemaklike bed kan slaap, is hierdie die plek vir jou. Vaar die duine in Tussen Swakopmund en Walvisbaai lê daar ’n strook duine – 32 km lank en 6 km breed – wat die Atlantiese Oseaan van Namibië se binneland skei. Dit is een van die min plekke waar die Namibiese regering jou toelaat om…

MAKLIKER KAN DIT NIE DIE LEKKER & VINNIG-RESEPTEREEKS Saamgestel deur Hendri Warricker en Riaan Bosch UITGEWER: Lapa Prys: R49,00 per titel Lapa Uitgewers se Lekker & Vinnig-reeks is presies wat die omslag sê – ’n reeks resepteboeke met lekker geregte wat jy in ’n japtrap kan maak. Die reeks is uiteenlopend en sluit meer as 20 resepteboeke in, met enigiets van brood tot bredie en braaigeregte. As ek die vier wat ons ontvang het – Worsgeregte, Blikkies en Pakkies, Biltonggeregte en Beskuit – deurblaai, grom my maag sommer lank voor middagete al van die lus. Hoe klink ’n blik jogurt-en-kondensmelk- of klapper-en-roombeskuit vir jou volgende toer? Of ’n biltongpotjie met room en gerasperde kaas? Daar is talle sulke lekker resepte in dié reeks. Jy hoef nie ’n ammokis vol bestanddele…

Nasionale Melktertdag – 27 Februarie 2016 – is om die draai, en ter viering daarvan het ons sustertydskrif Weg ’n TopTert-veldtog begin om die land se allerbeste melkterte te gaan uitsnuffel. Dit was nie ’n maklike taak nie, want ons mense kén van bak en melktert bly ’n gunsteling. Gaan kyk maar net op Facebook, waar meer as 3 500 mense nou al Nasionale Melktertdag se blad gaan “Like” het. Op Instagram is derduisende foto’s van melkterte, en dis nie net plaaslik geneem nie; Suid-Afrikaners bak dat dit klap in die buiteland en hulle internasionale vriende is gek oor ons melktert. Soek na #melktert, #melktertdag of #milktart en jy sal verstom wees hoe ver in die wêreld dié gesogte Suid-Afrikaanse lekkerny gebak word. Kyk hoe merk dié melktertmense hulle foto’s...…