Índex per July/August 2020 a Idees

Om dié uitgawe bymekaar te sit was… anders. ’n Mens kan dit seker baie ander dinge noem, maar ‘anders’ som dit vir my die beste op. Ons werk al drie jaar lank uit ons huise, so daaraan is ons gewoond. En vergaderings wat van my eetkamertafel na Teams en Zoom en sommer net WhatsApp-video verskuif het, was gou nie meer ’n nuutjie nie. Maar vir ’n selfdoentydskrif wat nie kan gaan aankope doen by ’n selfdoenwinkel (eers heel toe en toe net oop vir professionele mense) of ’n lap- of wolwinkel nie, kan dinge taai raak. Ook vir ’n taalpuris wat aanmekaar die betekenis van ‘selfdoen’ wil uitwys! Daar is egter altyd ’n plan en so begin ek in my kaste rondkrap vir oorskietlap wat ek stuk vir stuk op…

SITKAMER Die muur is groen geverf om by die outentieke Fransestyl rusbank uit die jare vyftig te pas. Makien het die verf spesiaal by ’n selfdoenwinkel laat meng. Die rusbank is ’n winskopie wat sy in ’n liefdadigheidswinkel raakgeloop het – die stoffering was in topkondisie! Die Hollywood Regencysytafeltjies en die staanlamp met sy oordadige antieke brons voetstuk kom uit dieselfde liefdadigheidswinkel. Die mat is van Ikea en die kussings van El Ramla Hamra KOMBUIS Hier het hulle op natuurlike hout en moderne, skoon lyne besluit om Makien se kleurryke bykomstighede uit te stal. Verf wat maklik gewas kan word is vir die swart spatplaat gebruik. Ná ’n vrolike mooimaaksessie pryk hierdie vintage-klavierstoeltjie nou in ’n geelgroen skakering wat baie tipies is van Makien se styl. Haar voorliefde vir antieke…

JY BENODIG ♥ stoel met ’n stewige sitplek ♥ stoffeermateriaal van jou keuse ♥ hamer en stoffeerspykers (of ’n kramgeweer indien die hout nie te hard is nie) ♥ gomgeweer ♥ handwerkmes ♥ materiaalskêr Plaas die stoelsitplek op jou materiaal neer, laat genoeg materiaal toe om om die rande van die sitplek te vou en knip dit uit. Plaas die materiaal met die regte kant na onder op jou werkoppervlak en sit die stoelsitplek onderstebo daarop neer. Spasieer die sitplek sodat ewe veel materiaal aan elke kant uitsteek. Begin by die bokant, span die materiaal om die sitplek en kap dit in die middel met ’n spyker vas of kram dit vas. Herhaal die proses aan die onderkant en dan die twee sykante. Maak telkens seker die materiaal span mooi…

MOEILIKHEIDSGRAAD: medium TYD: 2-3 dae JY BENODIG MATERIAAL ♥ droë boom♥ tegniese tekeninge op bladsy 42♥ boomwortelontwerp van jou keuse♥ SupaWood (9 mm dik)– 2 x 420 mm x 190 mm (dele 1)♥ SupaWood (16 mm dik) – 2 x 420 mm x 137 mm (dele 2) – 1 x 158 mm x 137 mm (dele 3)♥ 1,4 x 32 mm-paneelspykertjies♥ 1 blik gewone verfgrondlaag (wit)♥ 2 kannetjies spuitverf (ons het mat wit gebruik)♥ krytverf (ons het ’n akwagroen gemeng en dit met wit getint)♥ houtvuller♥ houtlym (ultrasterk)♥ spuitkleefmiddel♥ maskeerband♥ bousand of speelhoksand♥ yswit spoelklippies GEREEDSKAP ♥ handboor♥ 1 mm-boorpunt♥ hamer♥ penpons♥ bandsaag of uitsnysaag♥ skuurblok♥ skuurpapier: 100-, 150-en 220-grint♥ klampe♥ sponsverfaanwender♥ handwerkmes SO MAAKJY REGHOEKIGE POT 1 Maak dele 1 tot 3, en volg die tegniese tekeninge vir presiese…

SUURLEMOEN-SOUSPOEDING Genoeg vir: 6-8Bereidingstyd: 15 minuteBaktyd: 45 minuteOondt*r: 180 ºC ♥ 500 ml bruismeel♥ 350 ml strooisuiker♥ 2 groot eiers♥ 60 ml gesmelte botter♥ 250 ml melk♥ gerasperde skil en sap van 4 suurlemoene♥ 30 ml mieliemeel♥ versiersuiker, vir oorsif♥ styfgeklopte room, om voor te sit (opsioneel) 1 Meng die meel en 125 ml van die strooisuiker saam in ’n groot bak. 2 Meng die eiers, botter, melk en suurlemoenskil in ’n bakkie of beker en roer dit by die meelmengsel tot dit net-net gemeng is. Giet die beslag in ’n gesmeerde oondvaste bak. 3 Meng die mieliemeel en orige strooisuiker saam en sprinkel dit oor die beslag. Moenie dit inmeng nie. 4 Meng die suurlemoensap met 750 ml kookwater en giet dit oor die beslag. Moenie dit inmeng nie.…

VAN BROEK TOT MAT MOEILIKHEIDSGRAAD: gemiddeld TYD: halfdag, na gelang van hoe groot jou mat is Almal het daardie een paar jeans in die kas wat al voos gedra is, maar wat jy eenvoudig nie kan weggooi nie. Gebruik dit om dié lieflike mat te maak wat deur Japanse kwiltwerk geïnspireer is. Sny die denimbroek in klein reghoeke of vierkante en stik dit saam soos wat jy ’n kwilt sal maak. Een paar jeans behoort ’n mat van een meter by ’n halwe meter te lewer. Gebruik veiligheidshalwe ’n glyvaste rubbermat onder die denim-kwiltmat.…

CARIN SE BLOMME EN SOKKIES Ons klein gesinnetjie – ek en my man en ons hond, Thandi – het besluit om lockdown by my ouers op Langebaan te gaan deurbring. Saam met die verlengde inperking het die koeler herfsweer gekom – en die besef dat ons hopeloos te min warm klere ingepak het. Die enigste raad was om my breipenne en die stukkies wol wat ek oorgehad het van my projekte vir hierdie uitgawe, uit te haal en te begin brei. In die jare wat kom gaan ek elke keer wanneer ek my sokkies dra, aan hierdie vreemde tye terugdink. Nog een van die dinge waarmee ek my agter slot en grendel besig gehou het (dis nou behalwe piesangbrood bak en verorber) was om die plaaslike kunstenaar Alice Toich se…

MOEILIKHEIDSGRAAD: maklik TYD: ’n uur of wat JY BENODIG ♥ kaktuspatroon op bladsy 108 ♥ karton in die kleure van jou keuse ♥ handwerkgom ♥ handwerkmes en snymat Kopieer die kaktuspatroon op bladsy 108 in die verlangde grootte op wit papier en sny vyf stamdele uit karton in die kleur van jou keuse. Sny ook ’n paar dorings en ’n blommetjie uit die kleur van jou keuse. Vou al die stamdele in die helfte en gebruik handwerkgom om die dele helfte-helfte aan mekaar vas te plak. Plak hier en daar ’n paar dorings tussen die stamdele vas. Rond jou kaktusplant af deur die blommetjie bo-op vas te plak en die kaktus in ’n mooi blik te ‘plant’.…

AFRIKA TIKKUN Johannesburg en Kaapstad 011 325 5914 of 021 276 0424 afrikatikkun.org info@afrikatikkun.org ANGEL NETWORK, THE Kaapstad, Johannesburg en Durban 083 777 1621 theangelnetwork.co.za glynne@theangelnetwork.co.za ANGELS’ CARE Howick, KwaZulu-Natal 033 330 6837 angelscare.co.za sponsors@angelscare.co.za FEED SA Gauteng 072 378 2554 of 082 994 1100 feedsa.co.za romi@feedsa.co.za genevieve@feedsa.co.za FOOD FOR LIFE KwaZulu-Natal, Gauteng, Wes-Kaap en Mpumalanga 031 811 1108 of 081 420 1784 fflsa.org info@fflsa.org FOOD FORWARD SA Landwyd 021 531 5670 foodforwardsa.org info@foodforwardsa.org GIFT OF THE GIVERS Landwyd 0800 786 911 tolvry giftofthegivers.org info@giftofthegivers.org JAM SA Johannesburg 011 548 3943 of 079 514 8443 jamsa.co.za jamsa@jamint.com LADLES OF LOVE Kaapstad 079 773 9334 ladlesoflove.org.za info@ladlesoflove.org.za NATION CHANGERS KwaZulu-Natal 086 112 2331 nationchangers.co info@nationchangers.org.za OPERASIE HONGER Landwyd 011 902 4000 operationhunger.org.za info@operationhunger.org PSFA Wes-Kaap 021 447 6020 psfa.org.za info@psfa.org.za SAME-STIGTING…

OPDIENPLANKE Maak dié opdienplanke wat ewe prakties en dekoratief is. MOEILIKHEIDSGRAAD: gemiddeld TYD: 1 dag JY BENODIG ♥ houtbord ♥ prent wat jy wil oordruk (met ’n inkstraaldrukker op gewone papier gedruk) ♥ oordragkleefmiddel (transfer glue) ♥ handwerkkwas ♥ spons ♥ handwerkmes en snymat ♥ vernis (opsioneel) Sny die prent wat jy wil gebruik met ’n handwerkmes uit – probeer om so naby as moontlik aan die buitelyne te sny. Plaas die prent op jou houtbord. Gebruik ’n handwerkkwas om oordragkleefmiddel aan die voorkant van die prent aan te wend – moenie dit te dik aanverf nie. Draai die prent dadelik om nadat jy die kleefmiddel aangeverf het en plaas dit met die prentkant na onder op die houtbord. Vryf die prent glad met ’n droë spons en raak ontslae…

OTTOMAN MOEILIKHEIDSGRAAD: gemiddeld TYD: 2-3 dae JY BENODIG ♥ materiaal van jou keuse♥ bypassende masjiengare♥ hoëdigtheidspons, gesny tot: 75 cm x 75 cm x 30 cm hoog (die voltooide oortreksel sal effens groter wees om mee te gee wanneer jy sit)♥ 2 ritssluiters (55/60 cm)♥ kleremakerspotlood of Frixion-pen (die ink is uitwisbaar wanneer hitte aangewend word) SO MAAKJY (2 cm-naattoelatings is ingesluit) Bokant: Knip vier dele van 42 x 42 cm. Sykante: Knip vier dele van 80 x 34 cm. Onderkant: Knip een deel van 80 x 80 cm. 1 Merk die 2 cm-naattoelatings op al die dele wat jy uitgeknip het. Dit word as jou stikgids gebruik. 2 Maak die bokant: Stik twee van die blokke aan mekaar. Onthou om net te stik tot waar jy die 2 cm-naattoelatings…

BORRIEGEEL BONDEL MOEILIKHEIDSGRAAD: gemiddeld TYD: 1-2 uur As jy al ooit met borrie gekook en letterlik alles, ook jou hande, geel gevlek het, sal jy weet dis die perfekte natuurlike kleursel vir materiaal. Volg dieselfde stappe as vir die breidraad op bladsy 70 om jou lap te kleur. Ons het met grys, roomkleur en ligpienk materiale geëksperimenteer om verskillende skakerings en intensiteite van geel te skep. Jy kan ook die Japanse shibori-tegniek gebruik om ’n geel ruitpatroon te skep. Ons het ’n paar blomme op die lap geborduur voordat ons dit gekleur het om dit mooi af te rond. GOUE MELK Borriemelk, wat ook as haldi doodh of goue melk bekend staan, is ’n strelende mengsel van klappermelk, heuning, naeltjies, kaneel, swartpeper en natuurlik borrie wat sorg vir die lieflike…

Blaas nuwe lewe in ’n doodgewone koekie gliserienseep (beskikbaar by supermarkte) deur klapperolie, rooibosteeblare, roosmaryn of vlugtige olies by te voeg – enigiets natuurliks sal deug! MOEILIKHEIDSGRAAD: gemiddeld TYD: 2 uur Rasper die gliserienseep in ’n metaalbak. Maak ’n dubbelkoker deur die bak met seep oor ’n kastrol kokende water te plaas. Roer dit tot al die seep gesmelt het. Voeg die natuurlike stowwe van jou keuse by en gebruik ’n metaallepel om dit baie goed deur te meng. Skep die seepmengsel in ’n broodpannetjie wat met kleefplastiek uitgevoer is. Strooi laastens ’n laag natuurlike versiergoed, byvoorbeeld teeblare of laventelblommetjies, oor wat die stowwe wat jy bygevoeg het sal komplementeer. Laat die seep heeltemal stol voordat jy dit uit die pan verwyder. Gebruik ’n warm mes om die seep in…

’N Facebook-plasing tydens die nasionale inperking trek my aandag. Pray for the huggers… we are not okay.Do you know how hard it is not to hugwhen you’re a hugger at heart?The struggle is real. Ek is ’n hugger. Jy is dalk nie een vir drukkies en soentjies nie, maar die meeste van ons het aanraking nodig. Die Kanadese Bookerpryswenner Margaret Atwood sê dit so mooi: Aanraking kom voor jy kan sien en voor jy kan praat. Dis die eerste en die laaste taal en dit jok nooit. Die beroemde doofblinde skrywer Helen Keller het weer gesê jy kan die Paradys bereik deur aanraking. Hoe mooi, jy kan dáár uitkom waartoe woorde nie eens kan deurdring nie. Die Covid-19-pandemie het ons ingelei in ’n distopiese era, een waar ons byna soos…

MOEILIKHEIDSGRAAD: gemiddeld TYD: halfdag JY BENODIG ♥ blaarpatrone op bladsy 108 ♥ karton in die kleure van jou keuse ♥ handwerkverf in die kleure van jou keuse ♥ handwerkkwas ♥ bloemistedraad ♥ bloemistekleeflint ♥ handwerkgom ♥ handwerkmes en snymat Kopieer die hartvormige blaarpatrone op bladsy 108 in die verlangde grootte op wit papier en sny twee van elk uit karton in die kleur van jou keuse. Knip ’n lengte bloemistedraad af en plaas die punt tussen twee blare voordat jy die blare met handwerkgom aan mekaar vasplak. Draai bloemistekleeflint al om die bloemistedraad wat aan die onderkant uitsteek, sodat dit soos ’n regte blaarsteel lyk. Herhaal die proses om nog groter en kleiner blare te maak. Vou die blare effens inwaarts om die ‘are’ en krul die punte om dit…

MOEILIKHEIDSGRAAD: MAKLIK TYD: ’N UUR, PLUS DROOGTYD OORNAG JY BENODIG ♥ interessante blare en takkies uit jou tuin ♥ lugdroogklei (ons het bruin gebruik) ♥ gipspoeier ♥ vierkantige plastiekbakkie ♥ koekroller ♥ liniaal ♥ plat mes Rol jou klei op ’n plat oppervlak uit – dit moenie dunner as 1 cm wees nie; werk met ’n dikte van omtrent 1,5 cm vir veiligheid. Sit nou jou plantjies op die klei neer. Kies blare wat mooi are het of gebruik laventel en grassade. As jy blare gebruik, sit dit neer met die are na onder, want dis die detail wat in die klei vasgevang moet word. Gebruik jou koekroller, rol net een keer oor die plantjie en maak seker jy druk hard genoeg. Verwyder die plantjies en sny die klei vierkantig…

(@hanneskoegelenberg) @HOUSEPLANTCLUB Florida, Portland, VSA Morgan Doane en Erin Harding is al twee ewe entoesiasties oor binnenshuise plante. Saam het hulle hierdie Instagram- ‘klub’ gestig waar plantliefhebbers van oor die wêreld heen hulle foto’s van huisplante met mekaar kan deel. @VOLKER.HERMES Düsseldorf, Duitsland Volker Hermes verander Renaissance-skilderye in tong-in-die-kies kunswerke. Met die inperking word van adellikes tot kerklikes se monde met strikke, kant en lap gesnoer om ’n bietjie spot te dryf met almal wat op die oomblik maskers dra. @STUDIO_H_ Kaapstad, Suid-Afrika Hannerie Visser en haar span van Studio H verskuif grense as dit by kos en kosontwerp kom. Op hulle Instagramblad wys hulle voortdurend met watter innoverende kulinêre projekte en beeldskone koskonkoksies hulle besig is.…

* SKAKEL 087 353 1307 (Maandag tot Vrydag 8 vm. tot 4.30 nm.). * E-POS JOU NAAM EN KON TAKBESONDER HEDE AAN subs@ideasfactory.co.za. * SMS ‘INTEKEN IDEES ’ of ‘SUBSCRIBE IDEAS’ NA 33153 (R1,50 per SMS MAGS AT HOME DIGITAL HET ONGELUKKI G GESLUIT. VIR NAVRA E OOR JOU INTEKENING, STUUR ASSEBLIEF ’N E-POS AAN MA RWEYA SMAL BY marweya@ideasfactory.co.za. AS JY ’N DIGITA LE EKSEMPLAA R WIL KOOP OF OP DIE DIGITALE TYDS KRIF WIL INTEKEN, GAAN NA www.zinio.com/za. KOOP ’N ENKELE DIGITALE EKSEMPLAAR TEEN R60 OF TEKEN OP DIE DIGITALE TYDS KRIF IN TEEN R330. OF * LAAI DIE IDEES-APP AF EN KOOP ONS DIGITALE EKSEMPLARE OP JOU FOON. (Lees meer oor ons nuwe app hier langsaan.) BEPALINGS EN VOORWAARDES * Jou intekengeld is vooruitbetaalbaar. • Die aanbod…

pienk hare Toe ons redakteur so twee jaar gelede haar blonde bob ’n ligte pastelpienk gekleur het, was sy (soos gewoonlik) haar tyd vooruit. In ’n artikel aanlyn beskryf die Amerikaanse glanstydskrif Allure dit as dié trend wat ’n kopskuif verteenwoordig. In die lang weke van Covid-19-inperking wêreldwyd het hierdie nuwe gier oral kop uitgesteek. Wanneer vrees, onsekerheid en angs oorneem, wend mense hulle tot iets waaroor hulle wel beheer het, soos hul selfversorging. En hulle kleur hul hare tuis – pienk. Die nie-permanente tuiskleursel Kristin Ess in Rose Gold het so te sê uitverkoop tydens Amerika se lockdown. Die handelsmerk reken dit is omdat pienk ’n vrolike kleur is, lig en lighartig, nes blonde hare. Dit verdoesel ook die uitgroeilyn van jou haarwortels en lyk nie so laf soos…

STOELE MET SOKKIES Kikker jou eetkamerstoele op met speelse verfwerk. MOEILIKHEIDSGRAAD: maklik TYD: naweek, droogtyd ingesluit JY BENODIG ♥ houtstoele♥ universele grondlaag♥ wit glans-emaljeverf♥ krytverf in die kleur van jou keuse (ons het Tjhoko in Goodness gebruik)♥ verfkwaste♥ maskeerband♥ skuurpapier SO MAAKJY 1 Besluit vooraf hoe jy jou stoele wil verf, maar onthou, almal hoef nie dieselfde te lyk nie! Ons het een stoel heeltemal wit geverf en toe vir hom groen sokkies aangetrek, vir ’n ander een net wit sokkies gegee, en nog een het ’n wit baadjie gekry sodat net sy lang bruin kouse uitsteek. 2 Skuur al die houtdele wat jy met emaljeverf wil bedek, liggies af. Verf dit met universele grondlaag en laat dit heeltemal droog word voordat jy die emaljeverf aanwend. Verf ’n hele paar…

KANTSKERM Ons het die filetkanttegniek van borduurwerk op maasdraad gebruik om ’n pragtige, ligte bedekking vir ’n sonnige venster te maak. MOEILIKHEIDSGRAAD: uitdagend TYD: omtrent ’n dag, na gelang van die grootte en ontwerp JY BENODIG ♥ ontwerp van jou keuse ♥ stewige tuinmaasdraad met 1 x 1 cm-blokkies (beskikbaar by ysterware-en tuinwinkels) ♥ spuitverf (mat wit met ’n grondlaag) ♥ houtraam (so groot soos jou vensterraam) ♥ stoffeerkramgeweer (opsioneel; sien stap 1) ♥ ligkleurige tou ♥ borduur- of stopnaald Spuitverf die maasdraad aan albei kante en heg dit met jou kramgeweer aan die houtraam vas. Trek die maasdraad styf wanneer dit aan die raam vasgesit word. (Jy kan ook die maasdraad met kabelbinders of tou aan die raam vasbind. Dit sal nie so styf wees nie, maar steeds ’n…

EIERVRUG-EN-OLYFDOOPSOUS Genoeg vir: 4-6Bereidingstyd: 15 minuteGaarmaaktyd: 20 minuteOondtemperatuur: 180 ºC ♥ 2 groot eiervrugte, in die lengte middeldeur gesny♥ olyfolie♥ 2 knoffelhuisies, fyngedruk♥ 15 ml varsuitgedrukte suurlemoensap♥ 5 ml fyngerasperde suurlemoenskil♥ 2 ml droë ment♥ 45 ml fyngekapte pietersielie♥ ½ rooi-ui, fyngekap♥ ’n hand vol kalamata-olywe, ontpit en in kwarte gesny♥ 125 ml fetakaas 1 Plaas die halwe eiervrugte op ’n bakplaat met die gesnyde kant na bo. Drup olyfolie oor en rooster dit vir omtrent 20 minute in die verhitte oond, of tot die eiervrug sag is. 2 Haal die eiervrug uit die oond en laat dit eenkant afkoel. Skep die vleis uit die eiervrugskille en kap dit fyner. Plaas dit in ’n bak. 3 Voeg die orige bestanddele by, roer dit goed deur en geur dit na smaak…

MOEILIKHEIDSGRAAD: gemiddeld TYD: 1-2 uur JY BENODIG ♥ ’n bol breiwol ♥ 50-125 ml droë fyn borrie ♥ witwynasyn ♥ water (genoeg vir ’n fikseer-oplossing wat die wol bedek plus 500 ml vir die kleurbad) ♥ handskoene Dit is belangrik om jou breiwol eers reg op te bondel om te keer dat dit knope vorm. Doen dit deur die wol om die rugleuning van ’n stoel te draai. Verwyder die breiwol van die stoel en bind die bondel aan elke kant met ’n kort stukkie wol vas. Bind dit styf genoeg vas om die wol bymekaar te hou, maar steeds los genoeg sodat dit behoorlik in die borrie-oplossing gekleur kan word. Wanneer jy natuurlike breiwol kleur, is dit belangrik om dit eers in ’n fikseermiddel te dompel. Meng een deel…

MOEILIKHEIDSGRAAD: maklik TYD: 30 minute om ’n muur van 1 x 1,5 m te verf Is daar ’n muur in jou huis wat pleit om ’n vars lagie verf, maar jy het nie ’n verfroller óf genoeg verf om dit heeltemal te bedek nie? Probeer dié prettige manier om ’n muur te versier met baie min verf en ’n skuursponsie. JY BENODIG ♥ muurverf in die kleur van jou keuse ♥ skuursponsie ♥ plat kunskwas Doop die sponsie in die verf – net genoeg om ’n paar sponsafdrukke te maak sonder dat die verf loop – en druk dit saggies teen die muur, met min of meer ewe veel ruimte tussen die blokkies. Moenie bekommerd wees as die sponsafdruk nie perfek is nie – dit versterk die handgemaakte gevoel. Gebruik jou…

Die hoek van die vertrek waarin ek my rekenaarruimte, my nuwe kantoor, geskep het as deel van die ‘nuwe normaal’ waarby ons almal moes aanpas, voel vanoggend soos die see. Daar is ’n deinserigheid in die lug wat waterig blou lig deur die venster laat skyn, en die vars reuk van klam blare en vroegdag se koelte voer my mee. Ek is weer by die see. Vir ’n oomblik op ’n ander plek, danksy die reis waarop my sintuie my neem. Nes wanneer ek anys ruik en skielik terug is by Ouma se kombuistafel waar sy nou net die mosbolletjies uit die oond gehaal het, of hoe pas omgedolwe grond my terugneem plaas toe, al is daar stadsgeluide om my. Ek is seker elkeen van julle het al hierdie sintuigreise…

MOEILIKHEIDSGRAAD: medium TYD: 2-3 dae JY BENODIG MATERIAAL ♥ tegniese tekeninge op bladsy 109♥ hout (in dié geval meranti)–1 800 mm x 144 mm x 22 mm ♥ 5 x 4 mm x 100 mm-houtskroewe ♥ 1 blik gewone verfgrondlaag (wit) ♥ 2 kannetjies spuitverf in die kleur van jou keuse (ons het mat wit gebruik) ♥ krytverf in die kleur van jou keuse (ons het ’n akwagroen gemeng)♥ houtvuller♥ houtlym (ultrasterk) ♥ maskeerband ♥ 250 mm-potplanthouer* (ons het ons s’n mat wit geverf) GEREEDSKAP ♥ handboor♥ 3 mm- en 4 mm-boorpunte ♥ versinkboorpunt ♥ bandsaag of uitsnysaag ♥ sterskroewedraaier ♥ skuurpapier: 100-, 150- en 220-grint ♥ skuurblok ♥ sponsverfaanwender SO MAAK JY DIE BASIS 1 Maak dele 1 tot 3, en volg die tegniese tekeninge vir presiese spesifikasies. 2…

WENBRIEF DIE LEWE IS MOOI Gepantser met ’n masker en ’n lysie vir die nodigste is ek gespanne vir die onsigbare virus uit Kanaän uit. My huis. Tussen rakke het ek myself deurgewriemel. Tussen wesens wat eens mense was, maar nou gemasker met oë wat net die nodigste soek om tot by die betaalpunt mee te haas. My asem was warm en benoud in my doktersmasker. By die betaalpunt met al my moetgoed uitgepak staar ek na die tydskrifrak op soek na my enigste redding: Idees. En sowaar… daar pryk die voorblad: ‘Maak jou huis mooi.’ Ek vergeet van my masker en van my vrees vir alles in hierdie lewe en hou dit vas. My oë lees stadig en met groot vreugde: Idees, Mei/Junie 2020. No. 20. Dit voel of…